Onlayn ictimai-siyasi qəzet
Tiflis küçələrində 7-ci gərgin gecə: DRON ÇƏKİLİŞİ - VİDEO
Musavat.com xəbər verir ki, Gürcüstanın paytaxtı Tiflisdə etirazların 7-ci gecəsi gərginliklə davam edir.
Parlament binasının qarşısında toplaşan minlərlə insan hökumət əleyhinə şüarlar səsləndirir, ölkənin Avropa İttifaqı ilə danışıqlarını dayandırması qərarına sərt etiraz edir. Azadlıq Meydanında xüsusi təyinatlı qüvvələr cəld şəkildə yerləşdirilib, əraziyə artıq su şırnaqları gətirilib.
Gecə saatlarında etirazçılarla polis arasında gərginlik artıb. Xüsusi təyinatlılar etirazçıların meydana doğru hərəkətinə mane olmağa çalışarkən, bəzi toqquşmaların baş verdiyi bildirilir. Etirazçılar hökumətə ultimatum irəli sürərək, Avropa İttifaqı ilə əlaqələrin bərpasını tələb edir və Tiflis küçələrində “Avropa Gürcüstanındır!” şüarlarını səsləndirirlər.
Musavat.com-un təqdim etdiyi görüntülərdə Tiflis küçələrinin gərgin atmosferi aydın görünür. Etirazların miqyasının genişlənməsi ilə vətəndaş qarşıdurmasının daha da dərinləşməsi gözlənilir.
Təhlilçilər isə ölkədəki siyasi böhranın daha ciddi nəticələr doğuracağını proqnozlaşdırır. Musavat.com hadisələri izləməyə davam edir.
Musavat.com
XƏBƏR LENTİ
05 Dekabr 2024
ŞƏRHLƏRŞƏRH YAZ