Onlayn ictimai-siyasi qəzet
Suriya qaranlığa QƏRQ OLDU: Üç əyalətdə...
Suriyanın Homs, Həma və Tartus əyalətlərində elektrik enerjisinin verilişi bərpa edilib.
Musavat.com xəbər verir ki, məlumatı SANA agentliyi ölkənin elektrik enerjisinin ötürülməsi və paylanması üzrə dövlət şirkətinin rəhbəri Xalid Əbu Deyə istinadən məlumat yayıb.
Hökumət rəsmisi bildirib ki, tədricən qalan əyalətlərdə də elektrik enerjisinin verilişi bərpa olunacaq.
Qeyd edək ki, ötən gecə bütün Suriya ərazisində elektrik enerjisi təminatı dayanıb. Ölkənin Energetika Nazirliyindəki mənbə “Al Hadath” telekanalına bildirib ki, elektrik enerjisinin geniş miqyaslı kəsilməsinə elektrik təchizatı sistemindəki problemlər səbəb olub.
“Əl Vətən” qəzetinin məlumatına görə, Suriyada hərbi əməliyyatlar zamanı 30-dan çox elektrik stansiyası dağıdılıb, yüksək gərginlikli xətlərin azı 40 faizi zədələnib. Neft-qaz sektoruna dəyən ziyana görə istilik elektrik stansiyalarının istismarı üçün lazım olan yanacağın kəskin qıtlığı yaranır, elektrik şəbəkəsinə texniki qulluq və obyektlərin ehtiyat hissələri ilə təchizatı Dəməşqə qarşı sanksiyalara görə əngəllənir. Suriyanın elektrik enerjisi sənayesini inkişaf etdirmək və yeni avadanlıq və texnologiyalar almaq üçün xarici investisiyalara ehtiyacı var.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ