Onlayn ictimai-siyasi qəzet
SON DƏQİQƏ! Rusiya səfirinin korteji MİNAYA DÜŞDÜ
Rusiyanın Pakistandakı səfiri Albert Xorevin müşayiət edən avtomobil Hayber-Paxtunxva əyalətində minaya düşüb.
Bu barədə Rusiya diplomatik missiyası sosial şəbəkədə məlumat verib.
Bildirilib ki, bu gün Albert Xorev bir neçə digər diplomatla birlikdə İslamabad Ticarət və Sənaye Palatası tərəfindən təşkil edilmiş turizm sammitində iştirak edib.
“Müşayiət avtomobili Hayber-Paxtunxva əyalətinin Minqora şəhərindən hotelə gedərkən minaya düşüb, nəticədə bir neçə polis əməkdaşı yaralanıb”, – məlumatda deyilir.
Qeyd olunub ki, diplomatlar hadisə sonucunda xəsarət almayıblar.
Pakistan Xarici İşlər Nazirliyi öz növbəsində açıqlayıb ki, öndə gedən kəşfiyyat dəstəsinin polis maşını əldəqayırma partlayıcı qurğuya düşüb, nəticədə polis əməkdaşları həlak olublar.
“Diplomatik korpusun bütün üzvləri İslamabada sağ-salamat qayıdıblar”, – nazirlik diqqətə çatdırıb.\\“Report”
XƏBƏR LENTİ
22 Sentyabr 2024
ŞƏRHLƏRŞƏRH YAZ