Onlayn ictimai-siyasi qəzet
“Qızımın aşıq olduğunu deməsini qaldıra bilmərəm”
“Övladlarımla məsafəni qoruyuram. Özümə güvənmədiyim üçün qızımla rəfiqə olmağı rədd etdim. Qızım gəlib aşıq olduğunu deyəcək, bunu qaldıra bilmərəm. Getsin məndən uzaqda həmin duyğularını yaşasın. Paylaşmasın”.
Bu sözləri müğənni İradə İbrahimova “Söhbət var” verilişində deyib.
Sənətçi “Qızımla rəfiqə ola bilmərəm” fikirlərinə aydınlıq gətirib:
“Aranı açmaq istəmədim. Bəlkə qısqanclıqdır. Düşünün, qızım gəlib mənə duyğularını danışır. Bir dəqiqə, mən Gülxəndənin qızıyam. Mümkünsüzdür. Ona görə deyirəm ki, sənin ananam. Hər şeyinlə bağrıma basıram. 15 yaşı var: diqqət, sevilmək istəyir. Hər şeyin zamanı var. Nələrisə üstüörtülü danışır. Deyirəm, qalıcı deyil, fərqli insanlarla tanış olacaqsan. Məktəbdə şənlik var idi. Dedi ki, biri rəqsə çağırsa icazə verərsən? Dedim, yox. Uşaq başa düşmür nə dediyimi. Azərbaycanlılığım tutdu. Onu rəqsə dəvət ediblər, amma razılaşmayıb. Zəng vurdu mənə dedi ki, istədiyin kimi övlad ola bilirəm? Sevinmədim. Kövrəldim. Onun duyğularının üstünü basdırmış oldum”. (Axşam.az)
XƏBƏR LENTİ
03 Aprel 2025
ŞƏRHLƏRŞƏRH YAZ