Onlayn ictimai-siyasi qəzet
Druzlar Suriyada milli qvardiya yaradır
Suriyanın cənubundakı Əs-Suveyda əyalətində ən azı 30 silahlı birləşmə radikal druz Şeyxi Hikmət əl-Həcərinin komandanlığı altında milli qvardiyada birləşib.
Musavat.com xəbər verir ki, məlumatı Suriya telekanalı məlumat yayıb.
Bildirilir ki, “milli qvardiya”nın vəzifələrinə “sərhədlərin mühafizəsi, silahlı şəxslərin ölkəyə keçməsinin, silah və narkotiklərin qaçaqmalçılığının qarşısının alınması” daxildir. Bundan əlavə, o, əyalətin təhlükəsizlik və hərbi qurumlarının "gələcəkdə dövlət strukturuna inteqrasiyasına hazırlıq məqsədilə" təşkili üzərində işləyəcək.
“Asharq al-Awsat” qəzeti öz növbəsində qeyd edir ki, “milli qvardiya”nın sayı bəzi mənbələrə görə 4-5 min döyüşçü ola bilər. Nəşr həmçinin bildirib ki, druz liderləri arasında onların birləşmələrinin Əl-Həcərinin ordusuna qoşulması məsələsi ilə bağlı fikir ayrılığı yaranıb. Xüsusilə, nəşrin mənbələrinə görə, onun əleyhdarları şeyxə sadiq olan bəzi fraksiyaların “ölkənin keçmiş prezidenti Bəşər Əsədin təhlükəsizlik aparatı” ilə bağlı olduğunu iddia edirlər.
Musavat.com
XƏBƏR LENTİ
27 Avqust 2025
26 Avqust 2025
ŞƏRHLƏRŞƏRH YAZ