Onlayn ictimai-siyasi qəzet
Putin üçtərəfli görüşdə razılaşdırılmayan məsələləri açıqlamayıb
Hansı məsələlərlə bağlı razılığa gələ bilmədiyimizi açıqlaya bilmərəm.
APA-nın Rusiya bürosu xəbər verir ki, bunu Rusiya Prezidenti Vladimir Putin Soçidə keçirilən Azərbaycan, Rusiya və Ermənistan liderlərinin üçtərəfli görüşünün yekunları ilə bağlı mətbuat konfransında bildirib.
“Praqada Azərbaycan və Ermənistan liderlərinin görüşünün Rusiyanın iştirakı olmadan keçirilməsinin səbəbi bizə aydındır. Bunu heç kəsə izah etmək lazım deyil. Bizim avropalı tərəfdaşlarımız öz siyasətlərini elə həyata keçirirlər ki, Rusiyanı belə formatlardan istisna hesab edirlər”.
Rusiya lideri deyib ki, bu bir sıra vəziyyətlərdə mümkün deyil.
“Lakin biz öz tərəfimizdən nizamlanmaya istiqamətlənən bütün səyləri alqışlayırıq. Biz gərginliyi azaldan bütün addımları dəstəkləyirik. O ki, qaldı hansı məsələləri razılaşdıra bilmədiyimizə. Bu haqda danışmaq olarmı? Olar. Amma lazım deyil. Ona görə ki, əgər bu məsələlər hələ də nizamlanmayıbsa, fikrimcə ona diqqəti cəmləmək lazım deyil. Bunlar hər iki tərəf üçün çox həssas şeylərdir. Hesab edirəm ki, onları həmkarlarımın razılığı olmadan açıqlamaq hüququm yoxdur”,- deyə Vladimir Putin bildirib.
XƏBƏR LENTİ
04 Oktyabr 2024
03 Oktyabr 2024
ŞƏRHLƏRŞƏRH YAZ