Onlayn ictimai-siyasi qəzet
Orban: Aİ liderlərinin gözlərində Ukraynanın məğlubiyyətini gördüm
Macarıstanın Baş naziri Viktor Orban Avropa İttifaqının liderləri ilə keçirilən son sammitdən sonra maraqlı açıqlamalar verib.
O, Ukraynanın müharibəni uduzduğunu və Avropa İttifaqının bu müharibəyə müdaxilə etməsinin səhv qərar olduğunu qeyd edib.
Musavat.com xəbər verir ki, Orbanın sözlərinə görə, Aİ liderlərinin gözlərində Ukraynanın bu müharibədə məğlub olduğunu artıq aydın şəkildə görmək mümkündür.
"Sammitdə hər bir liderin gözlərində bunu hiss etdim. Ukrayna müharibəni uduzub, bu artıq aydın görünür. Belə bir vəziyyətdə Avropa İttifaqının bu müharibəyə daxil olması çox səhv bir addım idi", – deyə Orban əlavə edib.
O, həmçinin Macarıstanın əvvəlki mövqeyinin doğru olduğunu və ölkəsinin bu məsələdə haqlı olduğunu vurğulayıb. Orbanın bu açıqlamaları, Ukrayna müharibəsi və Aİ-nin bu münaqişəyə müdaxiləsi ilə bağlı müxtəlif fikirlərin ortaya çıxmasına səbəb olub. Macarıstanın bu münaqişəyə qarışmama mövqeyi ölkə daxilində də müzakirə olunur və Orbanın rəhbərliyi altındakı hökumət Ukraynanın müharibəni davam etdirməsinə yardım etməmək qərarını dəstəkləyib.
Musavat.com
XƏBƏR LENTİ
28 Mart 2025
27 Mart 2025
ŞƏRHLƏRŞƏRH YAZ