Onlayn ictimai-siyasi qəzet
Almaniyada dəhşət: tibb işçisi onu narahat etməsinlər deyə xəstələri öldürüb
Almaniyada tibb qardaşı xəstələri öldürdüyünə görə ömürlük həbs cəzası aldı
Almaniyada 44 yaşlı tibb işçisi gecə növbəsində onu narahat etməmələri üçün xəstələri öldürdüyünə görə ömürlük həbs cəzasına məhkum edilib.
Musavat.com xəbər verir ki, o, 10 nəfərin qətlində və 27 qətl cəhdində təqsirli bilinib. Müttəhim ölkənin bir klinikasında palyativ şöbədə çalışıb.
İstintaq materiallarında qeyd olunur ki, tibb qardaşı gecə növbələrində “sakitlik istədiyi” üçün daha çox diqqət tələb edən xəstələrə icazəsiz şəkildə güclü dərman preparatları verib. Nəticədə xəstələrin həyatı təhlükə altına düşüb və bir çoxu ölüb.
O, bütün ittihamları rədd etsə də, istintaq oxşar xarakterli başqa cinayətlərin də törədilmiş ola biləcəyini istisna etmir. Hazırda həmin hallarla bağlı əlavə araşdırma aparılır.
Musavat.com
XƏBƏR LENTİ
07 Noyabr 2025
ŞƏRHLƏRŞƏRH YAZ