Onlayn ictimai-siyasi qəzet
Naftalanda müəmmalı hadisə: Üç uşaq anası niyə itkin düşüb? - VİDEO
Naftalanda üç uşaq anası itkin düşüb.
Noyabrın 11-dən yoxa çıxan 27 yaşlı Fatimə Quliyevanın qayınanası Rəna Quliyeva gəlini haqqında Baku TV-nin yerli bürosuna danışıb.
O, gəlininin sonuncu dəfə bu ilin avqust ayında üç azyaşlı övladını evdə qoyaraq getdiyini bildirib. Qayınana gəlinin getmə səbəbini aralarında yaranan mütəmadi ailə münaqişəsi ilə əlaqələndirib.
“Onu çox istəmişəm. Əvvəl yaxşı idi. Sonra heç nədən evdə söz-söhbət yaradırdı. Bir az keçdi, gördüm ki, fikri tamam başqadır, bunu evdə məcbur saxlayıram. 15-20 gün gedib evlərində qalıb yenə gəlirdi. Uşaqlarına da baxmırdı, mən saxlayırdım. Yoldaşı da onu çox istəyirdi, hər şey alırdı”, - deyə o bildirib.
Qeyd edək ki, 27 yaşlı Ucar rayon Küçəkənd kənd sakini Fatimə Quliyeva Naftalan şəhərində itkin düşüb. O, noyabrın 11-də Naftalanda yaşayan valideynlərinin evindən çıxaraq bir daha geri qayıtmayıb.
İtkin düşən şəxsin əlamətləri belədir: boyu 155 sm, gözlərinin rəngi qəhvəyi, orta bədən quruluşludur. Evdən çıxarkən onun əynində qara rəngli hicab və əba olub.
Ətraflı Baku TV-nin süjetini təqdim edirik:
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ