Onlayn ictimai-siyasi qəzet
Kosaçev: Roma Əsasnaməsi Ermənistanın özünə qarşı yönələcək
BCM haqqında Roma Nizamnaməsini (Statut) ratifikasiya etmiş hər bir ölkə kimi Ermənistan da hüquqi suverenliyini itirir, bu, alçaldıcıdır.
Musavat.com xarici agentliklərə istinadən xəbər verir ki, bu sözləri Federasiya Şurasının vitse-spikeri Konstantin Kosaçev Telegram kanalında bildirib.
“Məhz buna görə də bir çox suveren dövlətlər, o cümlədən Rusiya, ABŞ, Hindistan, Çin, Türkiyə, Səudiyyə Ərəbistanı, İsrail, İran və başqaları BCM-ə qoşulmur”, - deyə Kosaçev yazıb.
Kosaçev ratifikasiyanın “Rusiyaya qarşı açıq-aşkar qeyri-dost addım” olduğunu vurğulayıb.
Rusiya senatoru Ermənistanın ratifikasiyanın Azərbaycana qarşı yönəldiyi barədə iddialarını əsassız adlandırıb.
“Bu yolla Ermənistanın Azərbaycanı məsuliyyətə cəlb edə biləcəyinə inanmaq sadəlövhlükdür. BCM-nin presedent hüququ bunun əksini, yəni iştirakçı dövlətlərin özlərinin daxili işlərinə müdaxilə olunduğunu dəfələrlə nümayiş etdirib. Nəticə etibarilə bugünkü ratifikasiya qərarı gələcəkdə Ermənistan hakimiyyətinin özlərinin əleyhinə çevrilə bilər”, - deyə senator əlavə edib.
Musavat.com
XƏBƏR LENTİ
25 Noyabr 2024
24 Noyabr 2024
ŞƏRHLƏRŞƏRH YAZ