Onlayn ictimai-siyasi qəzet
İtaliya XİN rəhbəri: “Zelenski güzəştlərə getməlidir” - Ukrayna təklənir
İtaliyanın xarici işlər naziri və baş nazirin müavini Antonio Tajani, Ukrayna prezidenti Volodimir Zelenskinin Rusiya ilə münaqişədə vəziyyətin daha da ağırlaşmaması üçün güzəştlərə getməsinin vacibliyini vurğulayıb.
Musavat.com bildirir ki, barədə o, RAI-1 telekanalına verdiyi müsahibəsində bildirib.
Tajani qeyd edib ki, əgər Rusiya qüvvələri irəliləməyə davam edərsə, Zelenski güzəştlərə getmək məcburiyyətində qalacaq. O, həmçinin münaqişənin daha geniş miqyasda fəsadlar doğurmasının qarşısını almaq üçün beynəlxalq səviyyədə danışıqların vacibliyini qeyd edib.
Son dövrlərdə Qərb ölkələri və onların paytaxtlarında Ukrayna ilə bağlı oxşar yanaşmalar müşahidə olunur. Belə fikirlər formalaşır ki, Ukrayna Rusiya ilə münasibətdə sərt mövqedən geri çəkilməli, ərazi iddialarını kənara qoyaraq, danışıqlar yolu ilə sülhə nail olmağa çalışmalıdır.
Bu yanaşma, kollektiv Qərbin artıq Ukraynanın Rusiyaya qalib gəlmək imkanlarına ehtiyatla yanaşdığını və Kiyevin tamamilə dəstəksiz qala biləcəyini göstərir. Bir çox analitiklər hesab edir ki, bu, Qərbin Ukraynanı yalnız münaqişəni dondurmağa çağırmadığını, həm də öz prioritetlərini dəyişərək sülh proseslərini sürətləndirməyə çalışdığını ortaya qoyur.
Antonio Tajani dəfələrlə İtaliyanın Ukraynaya hərbi və iqtisadi dəstəyini bəyan etsə də, Ukraynanın yenidən qurulması və münaqişənin diplomatik həllinə diqqətin artırılmasının əhəmiyyətini vurğulayıb.
Beynəlxalq təhlilçilərin fikrincə, bu mövqelər Ukrayna-Rusiya münaqişəsinin gedişatına ciddi təsir edə bilər və Qərb ölkələrinin birlik içində bir strategiya tapmağa çalışdığını göstərir. Beləliklə, Ukrayna münaqişəsinin həlli prosesində daha geniş müzakirələr və güzəştlər gündəmə gələ bilər.
Musavat.com
XƏBƏR LENTİ
05 Dekabr 2024
ŞƏRHLƏRŞƏRH YAZ