Onlayn ictimai-siyasi qəzet
İnam Kərimovun tapşırıqları məhkəmə hakimlərinin diqqətinə çatdırıldı - FOTO
Məlum olduğu kimi, 04 avqust 2023-cü il tarixdə Məhkəmə- Hüquq Şurasının sədri cənab İnam Kərimov tərəfindən "Məhkəmələrin fəaliyyətinin təkmilləşdirilməsi və şəffaflığın təmin edilməsi" mövzusunda apellyasiya məhkəmələri, habelə Bakı və Sumqayıt şəhərində yerləşən ixtisaslaşmış məhkəmələr və rayon (şəhər) məhkəmələrinin sədrləri ilə görüş keçirilib.
Musavat.com xəbər verir ki, həmin görüşün nəticəsi olaraq 6 sentyabr 2023-cü il tarixdə Şəki Apellyasiya Məhkəməsinin sədri Nuru Quliyev məhkəmənin ərazi yurisdiksiyasına aid edilmiş birinci instansiya məhkəmələrinin sədrləri və hakimləri ilə onlayn konfrans keçirib.
Videokonfransda sədr Nuru Quliyev 04 avqust 2023-cü il tarixdə Məhkəmə- Hüquq Şurasının sədri cənab İnam Kərimovun çıxışında qaldırdığı məsələlərə, o cümlədən şəffaflığın təmin edilməsi, işlərə məhkəmədə baxılması zamanı süründürməçilik hallarına yol verilməməsi, kollektivdə işlərin təşkili və məhkəmə sədrlərinin vətəndaşlarla işi düzgün qurması məsələlərinə toxunub.
Sədr məhkəmə sistemində korrupsiyaya şərait yaradan hallara qarşı xüsusi qətiyyət göstəriləcəyini, vətəndaşlarda haqlı narazılıq doğuran neqativ hallar üzrə təsir tədbirlərinin davamlı olaraq həyata keçiriləcəyini diqqətə çatdırıb. Məhkəmələrdə şəffaflığın təmin edilməsi ilə bağlı məhkəmə sədrlərinin üzərinə düşən vəzifələr qeyd edilib.
Daha sonra tədbirdə 2023-ci ilin birinci yarımilliyində məhkəmənin icraatına daxil olmuş işlərin sayı, həmçinin onlara baxılmasının nəticələri barədə statistik göstəricilərin qısa təhlili aparılmış, bununla yanaşı qarşılıqlı maraq doğuran məsələlər müzakirə olunub.
XƏBƏR LENTİ
03 Oktyabr 2024
ŞƏRHLƏRŞƏRH YAZ