Onlayn ictimai-siyasi qəzet
Günəş tutulması başladı – 3 saat 52 dəqiqə davam edəcək: Azərbaycana təhlükə varmı...
Martın 29-da 2025-ci ilin ilk Günəş tutulması başlayıb. Bu, qismən tutulmadır və təxminən 4 saata yaxın davam edəcək.
Bakı Dövlət Universitetinin Fizika fakültəsinin Astrofizika kafedrasından Musavat.com-a verilən məlumata görə, astronomik hadisə saat 12:50-də başlayıb, 16:43-də başa çatacaq.
Tutulmanın maksimum mərhələsi isə saat 14:48:36-da müşahidə olunacaq. Hadisə ümumilikdə 3 saat 52 dəqiqə 50 saniyə davam edəcək.
Qismən Günəş tutulması Rusiya Federasiyasının şimalı, Avropanın bir hissəsi, Şimal-Qərbi Afrika və Atlantik okeanı üzərindən müşahidə edilə bilər. Azərbaycan ərazisində isə bu tutulma görünməyəcək.
Tutulma təhlükəlidirmi?
Mütəxəssislər bildirirlər ki, bu cür tutulmalar adi astronomik hadisə sayılır və nə insanlar, nə də digər canlılar üçün heç bir təhlükə yaratmır. Sadəcə olaraq, müşahidə zamanı gözlərin qorunması məqsədilə xüsusi filtrlərdən istifadə olunması tövsiyə olunur.
Musavat.com olaraq bildiririk ki, 2025-ci ildə bir neçə astronomik hadisə müşahidə olunacaq və ilin ikinci böyük Günəş tutulması oktyabr ayında baş tutacaq. Biz bu hadisələri izləyəcək və oxucularımıza vaxtında çatdıracağıq.
Musavat.com
XƏBƏR LENTİ
01 Aprel 2025
31 Mart 2025
ŞƏRHLƏRŞƏRH YAZ