Onlayn ictimai-siyasi qəzet
Evinə çağırıb, "anama niyə baxırsan?" deyib bıçaqladı
Bakı Ağır Cinayətlər Məhkəməsində qəsdən sağlamlığa ağır zərər vurma və qəsdən sağlamlığa yüngül zərər vurma ilə təqsirləndirilən Rəşad İsmayılovun cinayət işi üzrə məhkəmə istintaqı başa çatıb.
Musavat.com pravda.az-a istinadən xəbər verir ki, hakim Eldar İsmayılovun sədrliyi ilə keçirilən prosesdə hökm oxunub və o, 4 il 5 ay 29 gün müddətinə azadlıqdan məhrum edilib.
İttihama görə, hadisə 10 sentyabr 2023-ci il tarixdə, saat 21 radələrində paytaxtın Səbail rayonu, Salyan şosesi, dalan 3 ünvanında qeydə alınıb.
Belə ki, 2005-ci il təvəllüdlü Rəşad İsmayılov qonşusu, zərərçəkmiş Abıyev Fərid Mehman oğlunu onun anası ilə birgə yaşadığı evin həyətinə bir neçə dəfə səbəbsiz baxmasına aydınlıq gətirmək qərarına gəlib. O, Fəridi həyətə çağırıb, bununla bağlı irad bildirib. Sonra onların arasında mübahisə yaranıb. Bu zaman Rəşad cib bıçağı ilə zərərçəkmiş şəxsə zərbələr vuraraq, ona xəsarət yetirib.
Bundan başqa, təqsirləndirilən şəxs 27 dekabr 2023-ci il tarixdə, saat 23:30 radələrində həmin ərazidə Fəridin dayısı, zərərçəkmiş Rahim Salamovla rastlaşarkən, yuxarıda qeyd edilən zəmində ailələr arasında yaranmış ədavətlə bağlı onunla mübahisə edib. Daha sonra Rəşad yerdən götürdüyü daş parçası ilə Rahimin baş nahiyələrinə zərbələr vuraraq, ona qəsdən sağlamlığa yüngül zərər yetirib.
Hadisədən sonra Rəşad İsmayılov saxlanılıb və barəsində Cinayət Məcəlləsinin 126.1-ci (qəsdən sağlamlığa ağır zərər vurma), 128-ci (qəsdən sağlamlığa yüngül zərər vurma) maddələri ilə ittiham irəli sürülüb.
XƏBƏR LENTİ
03 Dekabr 2024
ŞƏRHLƏRŞƏRH YAZ