Onlayn ictimai-siyasi qəzet
Ermənistan qarışır - hakimiyyət-kilsə qarşıdurması başlayır
Ermənistan Baş naziri Nikol Paşinyan keçirdiyi mətbuat konfransında bir neçə məsələyə toxunub. Xüsusilə, Erməni Apostol Kilsəsinin başçısı İkinci Qareginlə bağlı mövqeyinin dəyişmədiyini vurğulaması bir sıra müzakirələrə yol açıb. Məhz İkinci Qareginin vəzifədən getməsi üçün əlindən gələni edəcəyini, yaxın zamanda bunun nəticəsinin olacağını qeyd edib.
Məsələ ilə bağlı Musavat.com-a danışan politoloq Məhəmməd Əsədullazadə bildirib ki, sentyabr ayından başlayaraq Paşinyanın yenidən Kilsənin üzərinə getməsi gözlənilir: “Ermənistanda keçiriləcək seçkilərə kimi ikinci Qareginin istefaya göndəilrməsi mümkün ola bilər. Həmçinin, baş nazir Kilsənin üzərinə getməklə, onun müxalifətə dəstəyini də neytrallaşdıra bilər. Məhz Paşinyanın da məqsədi budur.
Ermənistan Apostol Kilsəsində islahatlar onun üçün xüsusi siyasi əhəmiyyət kəsb edir. O, kilsənin Rusiyanın aventurasından təmizləməyi hədəfləyib. Paşinyan Kilsəni Rusiyanın siyasi qalası hesab edir. Bununla o, kilsəni milliləşdirməyin vacibliyini önə çəkir.
Məhəmməd Əsədullazadə
Bundan əlavə, baş nazir ölkəsinin Avrasiya İttifaqından çıxacağının anonsunu verdi. Bu, Rusiya -Ermənistan əlaqələri kontekstdə önəmli bir açıqlamadır. O, ölkəsinin Avropa İttifaqına üzvlüyündə maraqlı olduğunu və hər iki təşkilatda ola bilməyəcəyini bəyan etdi. Göründüyü kimi, Paşinyan Avrasiya İttifaqını deyil, Avropa İttifaqını seçdiyinin mesajını verdi.
Azərbaycanla məsələlərə gəldikdə isə, senytabrda sülh mətnindən irəli gələn məsələlər barədə birgə işləyəcəklərini qeyd etdi. Azərbaycanın anklav kəndlərinin qaytarılmasının vacibliyini önə çəkdi.
Hazırda Ermənistan Azərbaycan qarşısında iki məsələni həll etməlidir. Birinci, Konstitusiya referendumuna gedib, Azərbaycana qarşı ərazi iddialarını çıxarmalıdır. İkinci, anklav və esklav əraziləri qaytarmalıdır. Ermənistan iki ölkə arasında sülh olduğunu, amma fikir ayrılıqlarının olduğunu bildirdi. Görünür, fikir ayrılıqları delimitasiya -demarkasiya məsələləri ilə bağlıdır.
Demək olar ki, sentyabr ayından Ermənistanla birbaşa danışıqlar başlayır. Bundan əlavə, payızda Türkiyə -Ermənistan sərhədlərinin açılması istisna deyil”.
Cavanşir ABBASLI
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ