Onlayn ictimai-siyasi qəzet
Erməni siyasətçi: "Paşinyan dünyada hamının gözündən düşüb"
Nikol Paşinyan indi hamının gözündən düşüb.
Musavat.com erməni mediasına istinadən xəbər verir ki, Ermənistan Respublika Partiyasının sədr müavini Armen Aşotyan belə bir iddia irəli sürüb.
Aşotyan öz Telegram kanalında Ermənistanın əsas istiqamətlər, məlumatlar və parametrlər üzrə mövqeyinin pisləşdiyini göstərən yeni məlumatları təqdim edib.
Onun sözlərinə görə, Ermənistanın Nikol Paşinyan dövründə “iflas etdiyini” göstərmək üçün 2023-cü ildə ölkələrin rifahını əks etdirən, Böyük Britaniyada yerləşən “Legatum Prosperity Index”ə nəzər salmaq kifayətdir:
“Göstəricilər 12 əsas istiqamət üzrə hesablanır.
2022-ci il hesabatı ilə müqayisədə Ermənistanın vəziyyəti daha da pisləşib və Ermənistan 59-cu yerdən 61-ci yerə enib.
Eyni zamanda Ermənistanın hazırkı vəziyyətini əsas istiqamətlər, məlumatlar və parametrlər baxımından təhlil etmək daha maraqlıdır.
Belə ki, şəxsi azadlıqlar və idarəetmə sahəsində vəziyyət xüsusilə fəlakətli şəkildə pisləşib:
-Siyasi məsuliyyət indeksinin azalması, idarəetmə orqanlarına institusional etibar, hökumətin səmərəliliyi kimi sahələrdə kəskin azalma müşahidə olunur.
Hökumətin hesabatlılığı və qanunun aliliyi də aşağı düşür.
Ermənistandakı biabırçı vəziyyətə aşağıdakı amillər də dəlalət edir:
* işgəncədən istifadə - 120-ci yer,
* siyasi həbslər - 78-ci yer,
* mətbuat azadlığı - 109-cu yer;
* İcra hakimiyyətinin məhdudlaşdırılması indeksi – 102-ci yer,
* institusional etimad, 129-cu yer,
* polisə inam, 120-ci yer,
* hüquq-mühafizə sisteminə və məhkəmələrə inam - 150-ci yer;
Ermənistan siyasi terrora görə dünyada 91-ci yerdədir.
Qeyd olunur ki, tədqiqat 167 ölkə səviyyəsində aparılıb.
Və nəhayət, ən maraqlısı- Ermənistan Milli Hökumətə Güvən İndeksində 167 ölkə arasında 146-cı yerdədir”,-deyə erməni müxalifətçi yazıb.
Musavat.com
XƏBƏR LENTİ
08 Oktyabr 2024
ŞƏRHLƏRŞƏRH YAZ