Onlayn ictimai-siyasi qəzet
Erməni nazir: “Konyak məsələsini siyasiləşdirməyin”
““Yuxarı Lars” keçid məntəqəsindən maşınlar keçir, amma hamısı yox. Bir gün əvvəl alkoqollu içkilər daşıyan onlarla yük maşını keçid məntəqəsindən keçib”.
Musavat.com erməni mediasına istinadən xəbər verir ki, bu barədə jurnalistlərlə söhbətində Ermənistanın iqtisadiyyat naziri Vahan Kerobyan danışıb.
“Maşınların saxlanmasında hər hansı siyasi kontekstin olduğunu deməzdim. Nümunələr götürüldü və biz müayinənin nəticəsini gözləyirdik. Bu məsələni böyütmək lazım deyil”, - deyə Kerobyan bildirib.
Xatırladaq ki, daha əvvəl Ermənistanın Rusiyadakı səfirliyinin gömrük attaşesi Vahan Akopyan Ermənistandan Rusiyaya gedən içi konyakla dolu 60-a yaxın yük maşınının nəzarətin bitməsini gözlədiyini bildirmişdi. Rusiya tərəfinin Ermənistandan gələn konyaklara gömrük nəzarətini həyata keçirdiyi yayılan xəbərlər arasındadır.
Musavat.com
XƏBƏR LENTİ
25 Noyabr 2024
24 Noyabr 2024
ŞƏRHLƏRŞƏRH YAZ