Onlayn ictimai-siyasi qəzet
Erməni analitik: "II Qarabağ müharibəsindən dərs götürmək lazımdır"
Antalya Diplomatiya Forumu Azərbaycan, Ermənistan və Türkiyənin vasitəçilər olmadan, bir-birləri ilə birbaşa təmaslar qurmaları üçün çox mühüm platformadır.
Bunu APA-nın Türkiyə bürosuna açıqlamasında Ermənistanda fəaliyyət göstərən Regional Araşdırmalar Mərkəzinin direktoru Riçard Qirakosyan deyib. O bildirib ki, Ermənistan və Azərbaycan xarici işlər nazirlərinin eyni anda bu foruma qatılmaları unikal fürsətdir.
Riçard Qirakosyan vurğulayıb ki, 2020-ci ilin müharibəsindən dərs götürmək lazımdır və diplomatik danışıqlar davam etdirilməlidir.
"Ümid edirəm ki, nazir Ararat Mirzoyan azərbaycanlı və türkiyəli həmkarları ilə həm təkbətək, həm də üçtərəfli formatda görüşəcək”, - o qeyd edib.
Erməni analitikin sözlərinə görə, Ermənistan-Türkiyə normallaşma prosesi Ermənistanla Azərbaycan arasında daha pozitiv mühitin yaranmasına kömək edir.
XƏBƏR LENTİ
10 Oktyabr 2024
ŞƏRHLƏRŞƏRH YAZ