Onlayn ictimai-siyasi qəzet
Cənubi Koreya müxalifəti baş nazirə də impiçment elan etmək istəyir
Cənubi Koreyanın əsas müxalifət partiyası ölkənin baş naziri və prezident səlahiyyətlərini icra edən Xan Duk Suya impiçment elan etmək istəyir.
Musavat.com xarici mediaya istinadla xəbər verir ki, bu barədə “Bloomberg” agentliyi məlumat yayıb.
Respublikada növbəti impiçmentin başlanmasına səbəb Xan Sunun kabinet iclasında gərgin vəziyyətdə olan prezident Yun Sok-yola qarşı qiyam ittihamlarını və birinci xanım Kim Kyon-hiyə qarşı çoxsaylı ittihamları araşdırmaq məqsədi daşıyan qanun layihələrini ictimailəşdirməkdən imtina etməsi olub. Koreya Demokratik partiyası da Xanı Yunun hərbi vəziyyət tətbiq etmək cəhdinə yardım etməkdə ittiham edib.
Öz növbəsində Xan prezidentin hərbi vəziyyət elanını əngəlləməyə çalışdığını deyib və bunu edə bilmədiyi üçün üzr istəyib.
Dekabrın 14-də Koreya Respublikası Milli Assambleyasının üzvləri 204 səslə dövlət başçısının impiçmentini dəstəkləyiblər. Cənubi Koreya prokurorları daha sonra dindirilmək üçün prezident Yun Sok-yola çağırış vərəqəsi göndərdilər, lakin o, buna məhəl qoymayıb və prokurorluğa gəlməyib.
Bir neçə gün əvvəl parlamentin impiçmentinə görə müvəqqəti olaraq vəzifəsindən uzaqlaşdırılan Cənubi Koreya lideri Yun Sok-yol hərbi vəziyyət elan etdiyinə görə ona qarşı irəli sürülən qiyam ittihamlarını rədd edib.
Musavat.com
XƏBƏR LENTİ
08 Fevral 2025
ŞƏRHLƏRŞƏRH YAZ