Onlayn ictimai-siyasi qəzet
Braziliyada keçirilən prezident seçkilərinin ikinci turunda müxalifətin namizədi Luis İnasiu da Silva (və ya qısaca “Lula”) bülletenlərin ilkin hesablanmasından sonra rəqibi hazırkı Prezident Jair Bolsonarunu ötüb – 50,04 %.
“Report” xarici KİV-ə istinadən xəbər verir ki, hazırda bülletenlərin 69,86 %-i hesablanıb.
İlkin hesablamalara görə, seçicilərin 49,96 %-i hazırkı dövlət başçısını dəstəkləyib.
Xatırladaq ki, seçkilərin birinci turunda Lula da Silva 47,95 faiz səs toplayıb - onu 55 milyondan çox Braziliya vətəndaşı dəstəkləyib. Bolsonaro 43,62 faiz səs toplayıb - ona 50 milyondan çox braziliyalı üstünlük verib.
Qeyd edək ki, 77 yaşlı Lula 2003-cü ildən 2010-cu ilədək Braziliyanın Prezidenti olub. O, Sosialist Fəhlə Partiyasının həmtəsisçisi və fəxri sədridir. Beş dəfə prezident seçkilərində iştirak edib. İlk üç dəfə (1989, 1994 və 1998-ci illərdə) məğlub olub. O, 2002-ci ildə seçilib, 2006-cı ildə isə yenidən seçilib.
2010-cu ildə “Time” jurnalı Lulanı “dünyanın ən təsirli insanı” adlandırıb.
Lula 2017-ci ildə korrupsiya və çirkli pulların yuyulması işi üzrə 9,5 il müddətinə azadlıqdan məhrum edilib. O, 2019-cu ilin noyabrında azad edilib. 2021-ci ilin martında Braziliyanın Federal Ali Məhkəməsi ona qarşı bütün ittihamları ləğv edib.
14 Oktyabr 2024
ŞƏRHLƏRŞƏRH YAZ