Onlayn ictimai-siyasi qəzet
“Bircə qalıb boyunlarına qırmızı lent bağlamaq” - Tolikdən SƏRT SÖZLƏR
“Bu günlər bir çox aparıcılar sözün əsl mənasında reytinqin qurbanı olublar. Bircə qalıb ki, boyunlarına qırmızı lent atsınlar”.
Musavat.com bildirir ki, bu sözləri prodüser-aparıcı Tarix Əliyev (Tolik) deyib.
O, sosial media hesabında qeyd edib:
“Xalq artisti Murad Dadaşov efirimi bağlamamışdan əvvəl, iclas keçirdikdə mənə bir söz dedi: “Efir sənin evindir, ora gələn müğənni sənin qonağındır. Əgər sən evin içində vəziyyəti ələ alıb, sabitliq yarada bilmirsənsə, bu, aparıcı kimi sənin günahındır.” O gündən bu söz mənim qulağımda sırğa kimi oldu. Mənim verilişimə kimliyindən asılı olmayaraq gələn müğənni, reytinqli və ya reytinqsiz, əgər təvazökar deyilsə, təkəbbürlü danışırsa və mən ona cavab verə bilmirsəmsə, bu, mənim zəifliyimdir.
Düşünürəm ki, bu günlər bir çox aparıcılar sözün əsl mənasında reytinqin qurbanı olublar. Bircə qalıb ki, boyunlarına qırmızı lent atsınlar. Bu, yalnız Zaura şamil deyil. Bu, bir çox pul müğənnilərinə, “TikTok”da, orda-burda təlxək kimi tanınan müğənnilərə aiddir. Bəziləri onların reytinqinin qurbanı olublar və onların sözlərinə qarşı çıxmağa cəsarət edə bilmirlər ki, sabah verilişə gəlməzlər”.
Xalidə Gəray
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ