Onlayn ictimai-siyasi qəzet
Azərbaycana könüllü təslim olan Babayan KİMDİR? - QARA DOSYE
Xəbər verdiyimiz kimi, qondarma "Artsax" "prezidenti"nin müşaviri David Babayan könüllü olaraq Azərbaycan dövlətinə təslim olub. O bu barədə öz "Facebook" hesabında açıqlama yayıb.
Musavat.com David Babayanın dosyesini təqdim edir:
David Klimi Babayan 5 aprel 1973-cü ildə Azərbaycanın Xankəndi şəhərində anadan olub.
O, 28 dekabr 2013-cü ildən qondarma rejimin Mərkəzi İnformasiya Departamentinin rəhbəri, eyni zamanda "respublika prezidenti"nin aparatında sədr müavini vəzifəsində çalışıb. 26 may 2020-ci ildə "prezident"in xarici əlaqələr üzrə müşaviri təyin edilib. 4 yanvar 2021-ci ildə Babayan "xarici işlər naziri" təyin edilib. Bundan başqa, “Artsax Mühafizəkarlar Partiyası”nı qurub və hazırda ona rəhbərlik edib. 17 yanvar 2023-cü ildə isə Babayan qondarma "Artsax respublikası" "prezidenti"nin müşaviri təyin edilib.
Azərbaycan hökumətinin sentyabrın 19 və 20-də sürətli antiterror tədbirlərindən və qondarma rejimin özünü buraxması haqqında "fərman" imzalamasından sonra Babayan Azərbaycanın nəzarətində olan Şuşaya getdiyini və Azərbaycan hakimiyyətinə təslim olduğunu elan edib.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ