Onlayn ictimai-siyasi qəzet
Azərbaycan xalqı milli maraqlara xəyanəti bağışlamır
Azərbaycan xalqı üçün Qarabağ məsələsi yalnız dövlət siyasətinin bir hissəsi deyil, həm də milli qürur və mübarizə tarixinin simvoludur. Bu fonda, müəyyən şəxslərin Azərbaycan əleyhinə ritorika ilə çıxış etməsi cəmiyyət tərəfindən xəyanət kimi qəbul edilir. Xüsusilə, xarici medianın dəstəyi ilə fəaliyyət göstərən bəzi şəxslərin ölkənin maraqlarını zərbə altında qoyan açıqlamaları, milli həmrəyliyə zidd bir mövqe kimi qiymətləndirilir.
Fatimə Kərimova və Orxan Məmmədin mövqeyi:
Bu günlərdə "Microscop" Mediadan Fatimə Kərimovanın və Meydan tv-dən Orxan Məmmədin fikirləri ictimaiyyətdə ciddi qınaq yaradıb.
Fatimə Kərimova və Orxan Məmmədin “Azərbaycanın hərbi təcavüzü” və “ermənilərin qovulması” kimi ifadələri, Azərbaycanın öz ərazi bütövlüyünü təmin etdiyi ədalətli mübarizəni təhrif etmək cəhdidir. Bu kimi yanaşmalar həm beynəlxalq arenada Azərbaycanın mövqeyinə ziyan vurur, həm də cəmiyyətin Qarabağ məsələsindəki həssaslığını nəzərə almır.
Cəmiyyətin bu şəxslərə qarşı sərt reaksiyası Azərbaycan xalqının milli maraqlara xəyanət edənləri bağışlamadığını göstərir.
Azərbaycan xalqı üçün Qarabağ məsələsi müqəddəsdir. Bu mövzuda düşmən dəyirmanına su tökənlər heç zaman bağışlanmayıb və bağışlana da bilməz.
Xalq Qarabağ məsələsində birliyini qorumağa və milli qüruru müdafiə etməyə hər zaman hazırdır. Bu reaksiya da xalqın Qarabağ məsələsini hər hansı daxili və ya xarici maraqlardan üstün tutduğunu təsdiqləyir.
Qərb terminologiyasına uyğunlaşma
Fatimə Kərimovanın öz həyat yoldaşını “partnyor” kimi təqdim etməsi, ənənəvi ailə dəyərlərinə hörmətlə yanaşan Azərbaycan cəmiyyətində qəribə və yad kimi qarşılanır. Bu, yalnız şəxsi seçim deyil, həm də qərbin sosial dəyərlərini Azərbaycana zorla tətbiq etmə cəhdi kimi qiymətləndirilir.
Azərbaycanın ədalətli mövqeyi
Azərbaycan öz ərazi bütövlüyünü təmin edərkən beynəlxalq hüququn prinsiplərinə əsaslanıb. Qarabağda yaşayan ermənilər üçün təhlükəsiz şərait yaratmaq, onların reinteqrasiya prosesində iştirakını təmin etmək də dövlətin rəsmi siyasətinin bir hissəsidir. Lakin bu cür “insan hüquqları” şüarı ilə manipulyasiya edənlər, əslində, Azərbaycanın legitim mövqeyini şübhə altına almağa çalışır.
Hər kəs anlamalıdır ki, Azərbaycan xalqı Qarabağ məsələsində heç bir kompromisə getməyəcək. Xarici dəstəklə milli maraqlara qarşı çıxan şəxslər yalnız özlərini cəmiyyətdən təcrid edirlər. Qarabağda qazanılmış zəfər, bütün xalqın həmrəyliyinin nəticəsidir və bu həmrəylik hər hansı təxribat və ya xəyanətlə sarsıdılmayacaq.
Musavat.com
ƏLAQƏLİ XƏBƏRLƏR
XƏBƏR LENTİ
19 Noyabr 2024
ŞƏRHLƏRŞƏRH YAZ