Onlayn ictimai-siyasi qəzet
Azərbaycan və Ermənistan arasında GÖZLƏNİLMƏDƏN imzalanan sənəddə nələr var?!
Azərbaycan və Ermənistan arasında sülh sazişi layihəsi üzrə danışıqların faktiki olaraq dalana dirənməsinə baxmayaraq, tərəflər gözlənilmədən sərhədlərin delimitasiyası və demarkasiyası üzrə danışıqları bərpa etməyə hazır olduqlarını bildiriblər.
Musavat.com-un bundan öncə də xəbər verdiyi kimi, bu gün avqustun 30-da iki ölkənin hökumət komissiyalarının bu istiqamətdə birgə fəaliyyəti haqqında sənəd imzlayıblar.
Xatırladaq ki, bu sənədin hazırlanması komissiyaların 2024-cü il aprelin 19-da iki ölkənin sərhədində (Qazax-İcevan istiqamətində) keçirilən 8-ci iclasında razılaşdırılıb və bir aydan az müddətdə, mayın 15-də tərəflər müvafiq rəsmi protokolu imzalayıblar.
Ermənistanın baş nazirinin ofisindən alınan məlumata görə, fərman diplomatik kanallar vasitəsilə həyata keçirilən orijinal sənədlərin mübadiləsi yolu ilə imzalanıb və onun mətni gələn bazar ertəsi dərc olunacaq.
“Sənədin gec dərc olunması hər iki ölkədə proseslərin mümkün qədər sinxronlaşdırılması zərurəti ilə bağlı olub”, - məlumatda deyilir.
Baş nazir Nikol Paşinyanın ofisindən verilən məlumata görə, “Ermənistan və Azərbaycanın sərhəd komissiyalarının birgə fəaliyyəti haqqında Əsasnamə” ratifikasiya proseduru çərçivəsində Ermənistan Konstitusiya Məhkəməsinə göndəriləcək.
Məhkəmənin mövqeyi müsbət olarsa, sənəd ratifikasiya üçün parlamentə təqdim olunacaq.
Musavat.com
ƏLAQƏLİ XƏBƏRLƏR
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ