Onlayn ictimai-siyasi qəzet
Azərbaycan təyyarəsinin qara qutusu Braziliyada AÇILDI: hər şey saniyəbəsaniyə ORTAYA ÇIXDI
Braziliyanın Hərbi Hava Qüvvələri ötən ay Qazaxıstanda qəzaya uğrayan və “Azərbaycan Hava Yolları”na məxsus Embraer təyyarəsinin qara qutusundakı uçuş məlumatlarının çıxarılmasını uğurla tamamlayıb.
“Reuters” yazır ki, bu barədə Braziliya rəsmiləri yanvarın 6-da rəsmi açıqlama yayıb.
Musavat.com bildirir ki, təyyarənin qara qutusundan əldə edilən məlumatlar dərhal Qazaxıstanın müvafiq araşdırma qurumlarına təqdim edilib.
Qəza ilə bağlı araşdırmalar davam edərkən, Azərbaycan Prezidenti İlham Əliyev təyyarənin Rusiya hava müdafiə sistemi tərəfindən vurulması ehtimalını irəli sürüb. Prezident, qəzanın beynəlxalq hüquq prinsiplərinin pozulması olduğunu qeyd edərək, bu məsələ ilə bağlı Rusiyadan izahat tələb edib.
İlham Əliyev çıxışında deyib: “Biz bu hadisənin təsadüfi olmadığını düşünürük. Rusiya raket sistemlərinin bu qəzanın səbəbi ola biləcəyi ehtimalı ciddi şəkildə araşdırılmalıdır”.
Ekspertlər arasında da müxtəlif mülahizələr mövcuddur. Bəzi mütəxəssislər təyyarənin Rusiya istehsalı olan hava müdafiə sistemi tərəfindən vurulması versiyasını əsas götürür. Digərləri isə qəzaya texniki nasazlığın səbəb ola biləcəyini bildirirlər. Bu ittihamlar Moskva ilə Bakı arasında diplomatik gərginliyə səbəb olub. Rusiya tərəfi isə indiyə qədər bu ittihamlara açıq şəkildə münasibət bildirməyib.
Braziliyada həyata keçirilən qara qutunun təhlili qəzanın dəqiq səbəblərini müəyyən etmək baxımından mühüm əhəmiyyət kəsb edir. Qazaxıstan Prezidenti Kasım-Jomart Tokayev qara qutunun Braziliyaya göndərilməsini “obyektivlik və şəffaflıq” üçün vacib addım kimi qiymətləndirib. O, hadisənin bütün detalları ilə araşdırılacağını və beynəlxalq ictimaiyyətə nəticələrin təqdim ediləcəyini bildirib.
Dekabrın 25-də baş verən qəza nəticəsində təyyarədə olan 67 nəfərdən 38-i həlak olub, 29 nəfər isə sağ qalıb.
Beynəlxalq və Azərbaycan ictimaiyyəti qəzanın səbəblərinin tezliklə aydınlaşdırılmasını gözləyir.
YAZININ ORİJİNALI BURADA: https://www.reuters.com/world/asia-pacific/flight-data-azerbaijan-airlines-plane-crash-sent-kazakhstan-officials-2025-01-06/
Musavat.com
XƏBƏR LENTİ
08 Yanvar 2025
ŞƏRHLƏRŞƏRH YAZ