Onlayn ictimai-siyasi qəzet
Avropa Mərkəzi Bankı faizləri endirdi: 2019-cu ildən bəri ilk dəfə...
Avropa Mərkəzi Bankı (ECB) bu gün keçirdiyi iclasda hər üç əsas faiz dərəcəsini 25 əsas bənd azaltmaq barədə qərar qəbul edib. Musavat.com Bankın saytında yerləşdirilən açıqlamaya istinadən xəbər verir ki, əsas kredit dərəcəsi 4,25 faizə, depozit dərəcəsi 3,75 faizə, marja kreditləşmə dərəcəsi isə 4,5 faizə endirilib.
Bu, 2019-cu ildən bəri ilk dəfədir ki, ECB faiz dərəcələrini endirir. Qərar analitiklərin və bazar iştirakçılarının gözləntiləri ilə üst-üstə düşüb.
ECB-nin açıqlamasında bildirilir ki, Bankın İdarə Heyəti inflyasiyanın 2 faizlik ortamüddətli hədəfə vaxtında yavaşlamasına nail olmaq üçün qətiyyətlə qərarlıdır: “Biz bu məqsədə çatmaq üçün əsas dərəcələri kifayət qədər məhdudlaşdırıcı səviyyədə saxlayacağıq".
ECB rəhbərliyi, daxil olan statistik məlumatların monitorinqini davam etdirəcəklərini və hər iclasda ayrıca dərəcə qərarları qəbul edəcəklərini və gələcəkdə müəyyən bir dərəcə səviyyəsi üçün əvvəlcədən müəyyən edilmiş planlarının olmadığını qeyd edib.
Bank 2024-cü il üçün avrozonanın ÜDM artımı proqnozunu martda gözlənilən 0,6 faizdən 0,9 faizə yüksəldib və 2025-ci il üçün proqnozunu 1,5 faizdən 1,4 faizə endirib.
2024-cü il üçün inflyasiya proqnozu əvvəllər gözlənilən 2,3 faizdən 2,5 faizə, 2025-ci il üçün 2 faizdən 2,2 faizə yüksəldilib.
ECB-nin proqnozuna görə, enerji və ərzaq istisna olmaqla istehlak qiymətləri 2024-cü ildə 2,8 faiz, 2025-ci ildə 2,2 faiz və 2026-cı ildə 2 faiz artacaq. Mart ayında artımlar müvafiq olaraq 2,6 faiz, 2,1 faiz və 2 faiz gözlənilirdi.
Musavat.com
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ