Onlayn ictimai-siyasi qəzet
Aşura günü toplanan qan BU xəstələrin müalicəsində istifadə ediləcək
Aşura günü keçirilən qanvermə aksiyasında toplanan qan hemofiliya və talassemiya, həmçinin digər xəstəlikdən əziyyət çəkən insanların müalicəsində istifadə olunacaq.
Bu barədə Musavat.com-un sorğusuna cavab olaraq Mərkəzi Qan Bankından məlumat verilib.
Qurumdan bildirilib ki, qanvermə aksiyalarında toplanan qanlar 4 infeksiya üzrə yoxlanılır: HİV (QİÇS), HCV (Hepatit C), HbsAg (Hepatit B) və sifilis.
Bəs kimlər qan verə bilməz?
"Virus hepatitləri, sifilis, QİÇS, somatik xəstəlikər, ruhi xəstəliklər, narkomaniya, alkoqolizm, ürək-damar xəstəlikləri, endokardit, miokardit, ürək qüsurları, tənəffüs orqanlarının xəstəlikləri, mədə və onikibarmaq bağırsağın xora xəstəlikləri, qaraciyər sirrozu, endokrin xəstəliklər, göz xəstəlikləri, dəri xəstəliklərindən əziyyət çəkən şəxslər qan verə bilməzlər", - deyə qurumdan qeyd olunub.
Afaq Mirayiq,
Musavat.com
XƏBƏR LENTİ
25 Noyabr 2024
ŞƏRHLƏRŞƏRH YAZ