Onlayn ictimai-siyasi qəzet
Antalyada sel fəlakəti- evləri su basdı, avtomobillər zərər gördü
Antalyada sel fəlakəti yaşanıb. Musavat.com Türkiyə mediasına istinadən xəbər verir ki, bu barədə Kumluca bələdiyyə başçısı Mustafa Köleoğlu məlumat yayıb.
O, axşam saatlarında başlayan leysan yağışın selə çevrildiyini və körpüləri uçurduğunu bildirərək, texnikanın da su səbəbindən işləmədiyini bildirib. Bələdiyyə başçısı bildirib ki, 50 ildir Kumlucada bu cür hadisə yaşanmayıb.
Sel suları binaların alt mərtəbələrindəki ev və obyektlərə, avtomobillərə ciddi ziyan vurub.
Xüsusilə Sarıcasu bölgəsinin seldən zərər çəkdiyi, yolların yamaclardan tökülən torpaqla dolduğu, istixanalara ciddi ziyan dərdiyi bildirilir. Rayon mərkəzində verilən elanlarla vətəndaşlara küçəyə çıxmamaq barədə xəbərdarlıq edilib. Hadisə nəticəsində insan ölümünün olmadığı bildirilib.
Musavat.com
XƏBƏR LENTİ
12 Oktyabr 2024
ŞƏRHLƏRŞƏRH YAZ