Onlayn ictimai-siyasi qəzet
Amerika Erməni Milli Komitəsi Trampı Azərbaycana münasibətinə görə ittiham etdi
Amerika Erməni Milli Komitəsi (ANCA) ABŞ prezidentliyinə namizəd Donald Trampa qarşı böyük iddianamə yayımlayıb.
Musavat.com Ermənistan mətbuatına istinadən xəbər verir ki, ANCA-nın yaydığı bəyanatda Tramp-Pens administrasiyasını Azərbaycanın 2020-ci ildə “Artsaxın yerli ermənilərinə hücumunu” təşviq etməkdə, Erməni Soyqırımını tanımaqdan imtina etməkdə və Azərbaycanı məsuliyyətə cəlb etmək üçün real addımlar atmamaqda ittiham olunur.
Bildirilir ki, sonrakı administrasiyaların rəhbərliyinin ardınca Tramp-Pens administrasiyası Azadlığa Dəstək Aktının 907-ci maddəsini səlahiyyət müddətinin bütün dörd ili üçün ləğv edərək, ABŞ-ın Azərbaycana yardımına qoyulan məhdudiyyətləri aradan qaldırıb: “Bundan əlavə, Tramp-Pens administrasiyası ABŞ-ın Ermənistan və Azərbaycana hərbi yardımında müəyyən edilmiş paritet presedentini pozdu və ABŞ-ın Bakıya hərbi yardımını kəskin şəkildə artırdı, 120 milyon dollardan çox vəsait ayırdı ki, bu da 2020-ci ilin sentyabrında hücumla nəticələndi”.
Erməni Milli Komitəsi həmçinin Trampı Vətən Müharibəsindən sonra Azərbaycanı cəzalandırmaq üçün heç bir addım atmamaqda suçlayır, guya bunun nəticəsində 2023-cü ilin sentyabrındakı antiterror əməliyyatının baş tutduğunu iddia edir, Türkiyəyə münasibətinə görə qınayır: “Azərbaycanı soyqırım təcavüzünə görə məsuliyyətə cəlb etməməsi ilə yanaşı, Tramp-Pens administrasiyasının Türkiyə prezidenti Ərdoğanı açıq qucaqlaması onun regionda sabitliyi pozan hərəkətləri fonunda etibarsız NATO müttəfiqinə kart-blanş verdi.
Suriyada sabitliyin pozulması fonunda Tramp-Pens administrasiyası Ermənistanın burada administrasiyanın ehtiyatsız xarici siyasəti nəticəsində təhlükə altında olan ermənilərin və digər suriyalı mülki şəxslərin həyatını xilas etmək üçün humanitar yardım məqsədilə Hələbə tibb işçiləri və döyüş mühəndisləri göndərməsinə qarşı çıxıb”.
ANCA bildirir ki, ABŞ erməniləri Tramp-Vens cütlüyündən Azərbaycanı məsuliyyətə cəlb etmək üçün addımlar atacağına ümid edirlər.
Musavat.com
XƏBƏR LENTİ
20 Sentyabr 2024
19 Sentyabr 2024
ŞƏRHLƏRŞƏRH YAZ