Onlayn ictimai-siyasi qəzet
ABŞ senatoru: "Ukrayna dəstəyi NATO-nu zəiflədir"
ABŞ senatoru Marko Rubio Avropanın hərbi imkanlarının tükənməsi ilə bağlı narahatlığını ifadə edib.
Musavat.com xəbər verir ki, senatorun fikrincə, Ukraynaya göstərilən uzunmüddətli və genişmiqyaslı dəstək Avropa ölkələrinin artilleriya və hava hücumundan müdafiə (HƏM) sistemləri də daxil olmaqla, strateji silah ehtiyatlarını ciddi şəkildə azaldıb.
Rubio bu vəziyyəti təhlükəli sayır və NATO-nun yaxın zamanda öz hərbi arsenalını yenidən qurmasının zəruri olduğunu vurğulayıb. Onun sözlərinə görə, xüsusilə “Patriot” sistemləri, pilotsuz uçuş aparatlarına qarşı vasitələr, artilleriya mərmiləri və tank əleyhinə silahlar kritik həddə qədər azalıb.
Senator həmçinin bildirib ki, Rusiya ilə mümkün gərginlik və ya başqa təhdid hallarında Avropa ölkələrinin hərbi baxımdan hazırlıqsız olması ciddi risk yaradır. Bu səbəbdən yalnız Ukraynanın deyil, NATO-ya üzv dövlətlərin müdafiəsi də prioritet olmalıdır.
Rubio ABŞ və Avropa ölkələrini müdafiə sənayesinə sərmayələri artırmağa, strateji ehtiyatları bərpa etməyə və ümumi təhlükəsizlik planlarını gücləndirməyə çağırıb.
Senatorun bu çıxışı NATO daxilində artan narahatlıqların fonunda səslənir və bir daha göstərir ki, uzunmüddətli yardım siyasəti bəzən kollektiv müdafiə imkanlarını zəiflədə bilər.
Musavat.com
XƏBƏR LENTİ
10 Iyul 2025
ŞƏRHLƏRŞƏRH YAZ