Onlayn ictimai-siyasi qəzet
ABŞ-Meksika sərhədini qanunsuz keçməyə cəhdlər iki dəfəyə yaxın artıb
Avqust ayında Amerika sərhədçiləri ABŞ-Meksika sərhədini qanunsuz keçmə hallarının əhəmiyyətli dərəcədə artdığını qeyd ediblər.
Musavat.com xəbər verir ki, məlumatı “New York Post” qəzeti mənbələrə istinadən yayıb.
Bildirilir ki, ayında ABŞ-a cənub sərhədindən 7,2 mindən çox qeyri-qanuni giriş faktı qeydə alınıb. Bu, cəmi 4.6 min hadisənin qeydə alındığı iyul ayı ilə müqayisədə 57 faiz çoxdur. Sərhəddə saxlanılan qeyri-qanuni immiqrantlar ya Meksikaya geri göndərilir, ya da sonradan deportasiya edilmək üçün Gömrük və Sərhəd Mühafizə Xidmətinə təhvil verilir.
ABŞ Daxili Təhlükəsizlik Nazirliyindəki mənbə sıçrayışı Amerika lideri Donald Tramp tərəfindən əvvəllər ölkədən qovulmuş miqrantların ölkəyə qayıtmağa çalışması ilə izah edib.
New York Post qeyd edir ki, buna baxmayaraq, bu göstərici hələ də ABŞ-ın keçmiş prezidenti Co Baydenin administrasiyası dövründəkindən xeyli aşağıdır. Ötən ilin avqustunda sərhədçilər Meksika ilə sərhəddə 58 minə yaxın, 2023-cü ilin avqustunda isə 132 mindən çox qeyri-qanuni mühacir saxlayıblar.
Musavat.com
XƏBƏR LENTİ
31 Avqust 2025
30 Avqust 2025
ŞƏRHLƏRŞƏRH YAZ