Onlayn ictimai-siyasi qəzet
Xəbər verdiyimiz kimi, Rusiyada yaşayan azərbaycanlı vəkil Elman Paşayev 5-ci dəfə öz vəkillik statusunu bərpa edib.
“Yeni Müsavat”ın onun üçün nüfuzlu Media Qrupu olduğunu bildirən Elman Paşayev Musavat.com-a açıqlamasında deyib ki, vəkillik statusunu bərpa etmək üçün iki mərhələdə baş tutan imtahandan keçib:
"Sınaq mərhələsində 70 sual üçün 1 saat vaxt verilir. Amma orada elə suallar var ki, onu sadəcə oxumaq təxminən yarım saat çəkir. Və düzgün cavabı seçmək üçün variantlar var. Mən 12 dəqiqə ərzində 100% nəticə əldə etdim. İmtahanın ikinci mərhələsi şifahi idi".
Paşayevin sözlərinə görə, sual vərəqini götürən zaman müfəttişlər arasında fikir ayrılığı yaranıb, nəticədə biletlər qarışdırılıb və ona yeni bilet verilib:
"Mən testin ictimailəşdirilməsinə çağırış etdim. Mənim biliyim Ali Məhkəmə sədrinin iki müavini, ədliyyə nazirinin müavini və universitet professorları tərəfindən yoxlanılıb. Komissiya asan deyildi. Buna baxmayaraq, komissiya üzvlərinə sorğu-suallarına görə təşəkkür edirəm. Mən vəkil olmaq üçün heç zaman pul ödəməmişəm".
Xatırladaq ki, Elman Paşayev 2020-ci ilin iyun ayında Moskvada ölümlə nəticələnən yol-nəqliyyat hadisəsi törədən məşhur aktyor Mixail Yefremovun vəkili olub. Aleksandr Dobrovinski isə qarşı tərəfin hüquqlarını müdafiə edib. Məhkəmə aktyor M.Yefremov barəsində 8 il azadlıqdan məhrumetmə cəzası kəsib.
Aytən Novruz
Musavat.com
13 Oktyabr 2024
ŞƏRHLƏRŞƏRH YAZ