Fars şovinistlərə Azərbaycan dili dərsi – Bəlkə evimizdə hansı dildə danışmağı da sizdən soruşaq?

Onlayn ictimai-siyasi qəzet

İnsanlara hürriyət, millətlərə istiqlal!

Fars şovinistlərə Azərbaycan dili dərsi – Bəlkə evimizdə hansı dildə danışmağı da sizdən soruşaq?

Bir milləti məhv eləmək üçün onun dilini məhv etmək kifayətdir. Bəşəriyyət var olandan onlarla millət məhz bu səbəbə əriyib gedib, böyük xalqlar və ya işğalçı millətlər tərəfindən assimilyasiyaya uğradılıb.

İndinin özündə Rusiyada neçə-neçə aborigen xalq yox olmaq ərəfəsindədir. Çünki dili yaşadan heç bir mədəni qurum, struktur, institut, özəlliklə orta məktəb faktiki qalmayıb. Amma latın xalqı fiziki olaraq mövcud olmasa da yaşayır. Ona görə ki, dili yaşadılır, müasir təbabətdə ortaq anlaşma vasitəsidir, beynəlxalq tibb dilidir.

Gəldik mətləbə.

Güney Azərbaycanda bu günlərdə dilimizlə bağlı diqqətçəkən bir olay yaşanıb. Əvvəlcə hadisənin pozitiv, qürurverici tərəfi haqda.

“Azad İran”ın yaydığı məlumata görə, bir neçə gün qabaq Tehran-Təbriz aviareysində təyyarə bələdçisi sərnişinləri “Xoş gəldiniz” ifadəsi ilə, yəni azərbaycanca salamlayıb. Bu da panfarsist sosial mediada etiraz yaradıb. Türkcə həmin o iki söz aviaşirkətdə separatçılığın başlaması kimi qələmə verilib (Az öncə prezident Məsud Pezeşkianın azərbaycanca ilk müsahibəsi də həmin dairələrdə eyni qıcığı doğurmuşdu).

“Ata” aviaşirkətinin sahibi Məhəmmədrza Zunuzi isə görün şovinistlərə necə lakonik və qəşəng cavab verib. Həm də dərs verib. Sitat: “Separatçı sizsiniz və sizin əcdadınızdır. Nə baş verib? Yalnız tapşırılıb ki, qonaqlara fars və ingilis dilləri ilə yanaşı, türk dilində də “Xoş gəldiniz” deyilsin. Bunun harası separatçılıqdır? Konstitusiyada qeyri-fars dillərdən istifadə hüququ yer almayıb? Tarixi oxuyun və görün nə olub. İranın ali rəhbəri, prezident türk dilində danışmır? Öz şəhərimizdə, Təbrizdə də türk dilində danışmamalıyıq?”

Bəli, bizə moizə oxumaq əvəzinə gedin tarixi oxuyun, İran adlı dövlətin indiki ərazisində mövcud olmuş Türk dövlətlərini, onları əsrlər boyu kimlərin idarə etdiyini yadınıza salın. Bəlkə öz evimizdə ana dilində danışmağa da sizdən icazə istəyək?..

Buna “qaşınmayan yerdən qan çıxarmaq” deyərlər. Təbii ki, din pərdəsi altında gizlənən fars millətçilərinin əsas hədəfi Güneydə ana dilimizin nəinki arxa planda qalması, ümumiyyətlə, tədricən yox olub getməsidir. Sözsüz ki, o halda Güney Azərbaycan subyekt kimi aradan qalxacaq, Vahid Azərbaycan ideyası avtomatik şəkildə tarixin arxivinə atılacaq.

Ancaq nə yaxşı ki, Güneylə bağlı bu qəbil bəd niyyətlər və mənfur planlar heç vaxt gerçəkləşməyəcək utopiyalar silsiləsindədndir. Birinci o səbəbə ki, İran adlı dövlətdə azərbaycanlılar etnik azlıq yox, etnik çoxluqdur. Bir ovuc yox, on milyonlarladır! Bu reallıqla barışmamaq isə mümkünsüz!

Hazırda İranın həm dini liderinin, həm də prezidentinin azərbaycanlı olması qənaətimizə bariz sübutdur. Düzdür, onlar mənsub olduqları millətin maraqlarından deyil, dövlət maraqlarından çıxış edirlər. Amma yüzdə yüz əminik ki, Azərbaycan türkcəsinin aradan getməsinə də heç vaxt razı olmazlar. Ən əsası, buna Güneydəki xalqımız imkan verməz – baxmayaraq ki, dilimiz o tayda xeyli fars sözləri ilə “çirklənib”.

İkincisi, Azərbaycan dilinin Güneydəki varlığına digər ən güclü qarant, zəmanətçi bu taydakı müstəqil Azərbaycan Respublikasıdır. Azərbaycan Respublikası beynəlxalq hüquqa sayğılı ölkə kimi İranın ərazi bütövlüyünü tanıyır. Amma və lakin bu, heç də o anlama gəlmir ki, Arazın o tayındakı soydaşlarımızın dilinin, milli dəyərlərinin, adət-ənənələrinin, başqa təməl haqlarının kütləvi şəkildə sıxışdırılmasına seyrçi qalacağıq. Bunlar İranın daxili işi deyil, ola bilməz!

Ondansa yaxşı olardı ki, rəsmi Tehran başı ağrımamış özü bu yöndə müsbət addımlar atsın ki, Cənubi Azərbaycanda süni şəkildə gərginlik artmasın, mərkəzdənqaçma meylləri güclənməsin. Məsələn, Azərbaycan dilində məktəblərin açılması. Hansı ki, İranın konstitusiyasında da (15-c bənd) əksini tapıb. Yeni prezident Məsud Pezeşkian isə bu barədə anons edib.

Gözləyirik. Fələk də gözləyir və sayır...

Zahid SƏFƏROĞLU

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

21.11.2024 115

COP 29: Qlobal İqlim Diplomatiyasında Azərbaycanın artan rolu yaxud regional gücdən qlobal oyunçuya çevrilən ölkənin hekayəsi

21.11.2024 1300

Çəpərdən hoppanan 66 yaşlı missis və Avropa İttifaqının missiya oyunu

21.11.2024 9222

Qafqazın üç Aslanı: üçü də general, üçü də “prezident” – üç fərqli tale

YAZARIN DİGƏR YAZILARI

20 Noyabr 2024

14:07 "Evə girən oğru"ya rəğbət - erməni təcavüzü nə tez unuduldu?

19 Noyabr 2024

14:25 Bakıdan qaçan Pallone görün nə dedi – Paşinyan da gəlsəydi, qovulardı?..

15 Noyabr 2024

14:44 Saqqalsız Paşinyanın “üstünlüyü” - Ermənistana “kupça”nı Bakıdan o alacaq?

13 Noyabr 2024

19:32 Azərbaycanın tərpətdiyi böyük laylar – Ermənistanı üstümüzə kim qızışdırır?

11 Noyabr 2024

15:20 Öz ayağına “güllə” atanlar – Dost-düşmənlər üçün COP29 testi

06 Noyabr 2024

14:47 Trampın ABŞ-a vəd etdiyi “qızıl dövr” – Azərbaycana nə vəd edir?

29 Oktyabr 2024

14:25 “Gülmə qonşuna...” – ABŞ-da prezident seçkisi Gürcüstan seçkilərindən də “qorxunc” ola bilər

23 Oktyabr 2024

14:20 3 ayı qalmış Baydenin məktubuna nə verərlər?

21 Oktyabr 2024

14:24 Xocalı etirafı da olacaqmı? – Ermənistan terrorçuların qoruğu kimi qaldıqca...