Onlayn ictimai-siyasi qəzet
Bakıdakı məhkəməni “tamaşa” adlandıran təlxək – Paşinyandan növbəti həyasızlıq
Ermənistan baş naziri Nikol Paşinyan “sülh göyərçini” obrazında “poza” verməkdən yorulmur. Maraqlıdır ki, ABŞ-dan “əli ətəyindən uzun” qayıdan Nikol Vovayeviç İrəvana çatar-çatmaz, Azərbaycan əleyhinə böyük bir məqalə qaralayıb. Ünvanımıza növbəti ittihamlar yağdırıb.
Erməni “sorosçu” baş nazir məqalədə əvvəlcə Bakını sülh müqaviləsini qəsdən ləngitrməkdə, Ermənistanı müharibə ilə hədələməkdə, Qərbi Azərbaycan ideyası ilə Ermənistanın ərazi bütövlüyünə qarşı qəsd hazırlığında suçlayıb. Kapitulyant ölkənin sürətlə silahlanmasının beynəlxalq hüquqa uyğun olduğunu və Azərbaycana dəxli olmadığını yazıb.
Amma burdan-bura öz ölkəsinin konstitusiyasında həmin beynəlxalq hüquqa zidd şəkildə Azərbaycan və Türkiyəyə qarşı əsassız ərazi iddiaları ilə bağlı müddəaların hələ də qalmasını görməzdən gəlir. Təsəvvür edin, üst-üstə 191 min kv km-lik ərazidən (!) söhbət gedir...
Nikol Paşinyan ardınca separatçı-cinayətkarların Bakıda davam edən məhkəməsini “tamaşa” adlandırıb. Az öncə o, eyni həyasızlıqla bəyan eləmişdi ki, Bakıda ittiham olunan ermənilərdən müvafiq ifadələrin alınması üçün onların bədəninə psixotrop preparatlar yeridilir. Bu absurdu elə Araik Arutunyanın özü və ortaqları dərhal təkzib etdilər.
Aydındır ki, bu qəbil sərsəm ittihamlarla Ermənistan baş naziri indidən özünü təmizə çıxarmaq üçün siyasi fon yaratmağa, uyğun zəmin hazırlamağa çalışır, bir az da öz aləmində Bakıya təzyiq göstərmək niyyəti güdür. Çünki məhkəmədə torpaqlarımızın işğalı və bu işğalın son dərəcə ağır nəticələri, fəsadları ilə bağlı Ermənistan rəhbərlərinin böyük cinayət payının olduğunu isbatlayacaq çoxsaylı ifadələr, yeni dəlil-sübutların səslənməsi gözlənilir.
Onları bütün dünyanın eşitməsi, görməsi üçün kiməsə psixotrop və ya uyuşdurucu dərman vurmağa lüzum yox. Fakt-sübutlar o qədər danılmaz, o qədər çoxdur ki. Üçüncü tərəfdən, müttəhimlər onsuz da bülbül kimi ötəcəklər. Hər necə olmasa, hərəyə öz dərisi daha yaxın sayılır...
Yalançının yaddaşı olmaz. 2023-cü il sentyabrın 2-də - antiterror əməliyyatından cəmi 17 gün qabaq Nikol Paşinyan Qarabağdakı qanunsuz xunta rejiminin “rəhbərliyinə” mifik “müstəqilliyin” ildönümü ilə bağlı “təbrik” göndərmişdi. Maraqlananlar internet resurslarından tapa bilər.
Amma indi o, utanıb-qızarmadan beynəlxalq hüquqdan danışır, Azərbaycanı Ermənistanın silahlanma haqqına girməkdə qınayır. Bakıdakı tarixi ədalət məhkəməsini “tamaşa”, “teatr” adlandırır. Azərbaycanın çağırışına hay verib məhkəmə istintaqına kömək etmək, Robert Köçəryan, Serj Sərkisyan, Seyran Ohanyan, Vitali Balasanyan, Samvel Babayan kimi digər hərbi caniləri, uşaq qatillərini də Bakıya təhvil vermək əvəzinə!
Bəs insanlıq bir qırağa, “demokratlığın” harda qaldı? Demokratlıq beləmi olur, Nikol? Demokratiya həm də qanunun, hüququn aliliyi, cinayətkarların, o sırada soyqırımı günahkarlarının layiqli cəzalara çatdırılması, humanitar dəyərlərə və haqlara hörmət, zərərçəkənlərin pozulmuş haqlarının bərpası, onlara təzminatların ödənilməsi deməkdir.
İndi tamaşa çıxaran, oyun oynayan, təlxəklik edən kimdir?..
Zahid SƏFƏROĞLU 
YAZARIN DİGƏR YAZILARI
23 May 2025
19 May 2025
17 May 2025
16 May 2025
13 May 2025
09 May 2025
07 May 2025
02 May 2025
26 Aprel 2025
19 Aprel 2025
14 Aprel 2025
07 Aprel 2025
01 Aprel 2025
24 Mart 2025
17 Mart 2025
14 Mart 2025
12 Mart 2025
07 Mart 2025
05 Mart 2025
28 Fevral 2025
26 Fevral 2025
25 Fevral 2025
22 Fevral 2025
17 Fevral 2025
10 Fevral 2025
07 Fevral 2025
04 Fevral 2025
01 Fevral 2025
29 Yanvar 2025
27 Yanvar 2025
ŞƏRHLƏRŞƏRH YAZ