Onlayn ictimai-siyasi qəzet
Son bir neçə gündə sosial şəbəkələr, saytlar ondan çox yazdı. ABŞ-da eyni vaxtda 4 universitet və 90 min dollar təqaüd (tam təhsil xərcləri) qazanan Rəşad Əhmədovdan.
Hər bir azərbaycanlı balasının qazandığı böyük təhsil uğuru əslində hamımızın, dövlətimizin başucalığıdır. Dünyaya yüksək zəka, bilik, savadla, intellektlə qaynayıb-qarışırıq. Uzaq Amerikada Azərbaycanı belə gənclərlə tanıyacaqlar həm də.
Sosial şəbəkələrdə Rəşadla bağlı minlərlə şəxs öz profilində, onlarla böyük səhifələr paylaşım edib.
Əksəriyyət “əhsən” deyir, heyranlığını bildirir.
Bəzi düşündürücü və əslində bu yazının yazılmasına səbəb olan şərhlərə də rast gəldim. Bir neçə nəfər yazmışdı ki, görəsən hansı milyonerin, hansı məmurun, zənginin oğludur? Görəsən, hansı illik ödənişi 20-30 min manat olan liseyi bitirib?..
Rəşadı lap balaca, 4-5 yaşlarından tanıyıram. Ailə dostlarımız Bəxtiyar bəy və Zülfiyyə müəllimin övladıdır. Ucqar bir qəsəbədə - Ceyranbatan qəsəbəsində qonşuluqda yaşayırıq. Anası Zülfiyyə müəllim illər öncə oğlumun sinif rəhbəri oldu. Beləcə, qonşuluq münasibətlərimiz daha da yaxınlaşdı, ailə dostluğuna qədər inkişaf etdi...
Bəli, Rəşad mənəvi zəngin bir ailənin övladıdır. Atası Bəxtiyar bəy sadə bir zəhmətkeşdir, yüksək əxlaqlı, sakit təbiətli bir insandır. Anası Zülfiyyə müəllim yüksək intellektə malik pedaqoqdur. Bundan da vacibi odur ki, şagirdlərini o qədər vətənpərvər ruhda yetişdirir, heyran olmamaq mümkün deyil.
Belə bir mənəvi zəngin, halal zəhməti ilə dolanan ailənin Rəşad Əhmədov kimi zəkalı övladı olması təbiidir.
Əlbəttə, Rəşad gecəsini gündüzünə qatıb oxumaqla bu zirvəyə yüksəlib. Bircə dəfə də olsun Rəşadı küçədə boş-boş gəzişən, vaxtını boşuna xərcləyən görməmişik...
2017-ci ilin avqustunda o, ilk böyük nailiyyətini göstərmişdi: Buraxılış imtahanında 677 bal toplayaraq, Bakı Ali Neft məktəbini seçəndə sevinclə ailə dostları, qohumları onun başına toplaşıb, qeyd etmişdik. O zaman facebookda da bir təbrik statusu yazmışdım, dolayısı ilə gəncləri təhsilə səsləyərək.
Bəli, ən sevincli və ürək açılan məclis təhsil uğuruna görə yığışılan məclisdir.
Rəşad indi Bakı Ali Neft Məktəbinin V kurs tələbəsidir, ABŞ-ın 4 universitetinin birbaşa doktorantura pilləsinə tam təqaüdlə (məbləğ: 90.000 dollar) qəbul olub.
Qazandığı 4 ali məktəbdən ABŞ universitetləri arasında reytinqinə görə 34-cü pillədə qərarlaşan “Roçester” Universitetini seçib, orada təhsilini davam etdirəcək.
Səsin daim uca zirvələrdən gəlsin, Rəşad. Dünyadakı fəxr edilən ünlü azərbaycanlılardan biri olacağına da əminik.
Elşad MƏMMƏDLİ,
Musavat.com
03 Sentyabr 2024
30 Avqust 2024
25 Aprel 2024
30 Mart 2024
14 Mart 2024
06 Mart 2024
04 Mart 2024
01 Mart 2024
29 Fevral 2024
23 Fevral 2024
21 Fevral 2024
20 Fevral 2024
16 Fevral 2024
24 Yanvar 2024
05 Oktyabr 2023
23 Sentyabr 2023
22 Sentyabr 2023
19 Sentyabr 2023
06 Avqust 2023
04 Avqust 2023
21 Iyul 2023
16 Iyul 2023
15 Iyul 2023
13 Iyul 2023
21 Iyun 2023
16 Iyun 2023
09 Iyun 2023
08 Iyun 2023
29 Dekabr 2022
11 Noyabr 2022