Onlayn ictimai-siyasi qəzet
Zəlzələdə məşhur türkiyəli aktyor erməni əsilli həyat yoldaşı ilə birlikdə həyatlarını itirdi - FOTO
10 vilayətdə böyük dağıntılara səbəb olan, minlərlə insanın ölümünə səbəb olan 7,7 və 7,6 bal gücündə zəlzələlərdə ölü sayı günü-gündən ağırlaşır. Bölgədən ümidverici xəbərlərlə yanaşı, üzücü xəbərlər də var.
Musavat.com xəbər verir ki, türkiyəli aktyor Çağdaş Çankaya və musiqiçi həyat yoldaşı Zilan Dəclə Diyarbakırın Yenişehir səmtində zəlzələ zamanı aşan 9 mərtəbəli binanın dağıntıları altında həyatını itirib.
Qeyd edək ki, aktyor Çağdaş Çankaya məşhur serial "Kuruluş Osman"dakı rolu ilə tanınırdı.
Bildirilib ki, Çankaya və Dəclənin yerləşdiyi mənzildən səs gəldiyi üçün ümidlər son ana qədər tükənməyib. Amma bu gün üzücü xəbər gəlib. Soyuq havaya görə daha dözə bilməyən cütlüyün cansız cəsədləri tapılıb.
Onu da bildirək ki, erməni əsilli Zilan Dəclə müxtəlif dillərdə oxuduğu mahnılarla tanınırdı.
Musavat.com
XƏBƏR LENTİ
30 Sentyabr 2024
ŞƏRHLƏRŞƏRH YAZ