Onlayn ictimai-siyasi qəzet
Yay tətilini xaricdə keçirmək istəyənlərin əksəriyyəti demək olar ki, ilk növbədə qiymətə diqqət edir.
“Yes Travel” şirkətinin satış direktoru Aynur Hüseynova Musavat.com-un oxucularına İstanbuldan Şri-Lankaya qədər biletlərin qiymətini sadalayıb.
O bildirib ki, apreldən etibarən bilet alışı artıb:
“Hazırda bilet və tur paket alanlar çoxdur. Türkiyənin istirahət zonalarına üz tutmaq istəyənlər daha çoxdur. 3-4 gündür İstanbula bilet alanlar üstünlük təşkil edir. Çünki Adana Türk Hava Yollarında aksiya var. Aprel-maya qədər isə Şarm əl-Şeyxə, Dubaya tələbat çox idi. Hazırda həmin ərazilərdə sezon bitib deyə uçuş azalıb.
Qiymətlərə gəlincə, Bakı-İstanbul-Bakı bileti 499 manatdan başlayır. Bura yalnız əl yükü daxildir. 5 gecə, 6 günlük Antalya turu 570 dollara təklif olunur. Qiymətə bilet, 4 ulduzlu hotel, sığorta və transfer daxildir. 670 dollara Alaçatı turu var. Qiymətə aviabilet, hoteldə gecələmə, yemək, sığorta və transfer aiddir. 7 gecə, 8 günlük Marmaris turu isə 665 dollara başa gəlir. Bodrum turu 715 dollar, Fethiye turu isə 1230 dollardır. 4 günlük Kapadokiya turu 625 dollara təklif olunur”.
Aynur Hüseynova qeyd edib ki, Rusiya istiqamətində də uçuşlar çoxdur:
“Yessentuki turları 14 günlük olur. 1770 manata müalicə paketi və yemək də daxildir”.
Satış direktorunun sözlərinə görə, Avropa turları 505 avrodan başlayır:
“Bu qiymət 7 günlük səyahəti əhatə edir. Hotelin ulduzundan asılı olaraq qiymətlər dəyişir. 966 avroluq, 7 gecə, 8 günlük Avropa qrup turlarına da tələbat çoxdur. Bu turlar Budapeşt-Paris-Amsterdamı əhatə edir. Qiymətə aviabilet, hoteldə gecələmə, şəhərlərarası nəqliyyat və səhər yeməyi daxildir. 7 gecə, 8 günlük Monteneqro turu isə 839 avroya təklif olunur.
7 gecə, 8 günlük Şarm əl-Şeyx turunun qiyməti 685 dollardır. Qiymətə aviabilet, hoteldə gecələmə, yemək, sığorta və transfer daxildir. 300 dollara Abu-Dabi turu var idi. 750 dollara 7 gecə, 8 günlük Şri-Lanka turu da var. Baliyə uçuşlar isə maya qədər çox idi. Hazırda yağışlara görə ora gedən yoxdur”.
Aynur Hüseynova endirimlərdən də danışıb:
“Endirimlər əsasən aşağı büdcəli “Wizz Air” şirkətində olur. Onlar da Budapeşt-Roma-Abu-Dabiyə uçur. Biletlərin qiyməti 100-150 avro düşür”.
Satış direktoru vurğulayıb ki, hazırda yaxın tarixə biletlərin qiyməti nisbətən ucuz olur:
“Əvvəllər isə bunun əksi müşahidə edilirdi”.
Odur ki, yaxın tarixə bilet almaqla bir addım irəli düşmüş olacaqsınız.
Aytən Novruz
Musavat.com
06 Oktyabr 2024
ŞƏRHLƏRŞƏRH YAZ