Onlayn ictimai-siyasi qəzet
Polşa Milli Müdafiə Nazirliyinin Silah Agentliyinin sözçüsü Kşiştof Platek Ukraynaya “PT-91 Twardy” ağır tanklarının verildiyini açıqlayıb.
Musavat.com Ukrayna mediasına istinadən xəbər verir ki, o, bu barədə yerli “Wolski o Wojnie” kanalında politoloq, hərbi və müdafiə məsələləri üzrə analitik Yaroslav Volskiyə müsahibəsində danışıb.
K.Platek Polşanın Cənubi Koreyadan gətiriləcək tanklarla Ukraynanın ehtiyaclarını həll etmək istədiklərini bildirib.
“ PT-91”lər yüksək keyfiyyət səviyyəsinə görə 200 ədəd “T-72”, tankını belə əvə edə bilər”,-deyə Polşa rəsmisi qeyd edib.
Ukrayna Prezident aparatının rəhbəri Andriy Yermak da öz Telegram kanalında Polşadan verilən “PT-91 Twardy” tanklarının artıq ölkəyə gətirildiyini xəbər edib. A. Yermak ağır döyüş maşınlarını sayı barədə heç bir məlumat verməyib.
Qeyd edək ki, “PT-91 Twardy” əslində “T-72” tanklarının Polşada istehsal olunan daha modern variantı sayılır.
Bu versiyanın maşınları daha güclü mühərrikə, təkmilləşdirilmiş atəşə nəzarət sisteminə və dinamik zirehlərə malikdir.
Musavat.com
06 Oktyabr 2024
ŞƏRHLƏRŞƏRH YAZ