Onlayn ictimai-siyasi qəzet
Ukrayna Ali Radasının sabiq sədri Lvivdə güllələnərək öldürüldü - FOTO
Musavat.com xəbər verir ki, Ukrayna Ali Radasının keçmiş spikeri Andrey Parubiy bu gün Lviv şəhərində silahlı hücum nəticəsində qətlə yetirilib. Hadisə şəhərin mərkəzində, ictimaiyyətin sıx hərəkət etdiyi küçələrdən birində baş verib.
Şahidlərin sözlərinə görə, naməlum şəxs Parubiyə ardıcıl olaraq 8 güllə atıb. Sabiq spiker aldığı ağır yaralardan hadisə yerindəcə həyatını itirib. Hadisə yerinə təcili tibbi yardım briqadası və polis əməkdaşları cəlb olunub.
Polis məlumat yayıb ki, qətli törədən şəxs kuryer paltarında olub və hadisədən sonra velosipedlə hadisə yerindən uzaqlaşıb. Təhlükəsizlik kameraları onun görüntülərini qeydə alıb və hazırda istintaq qrupu həmin materialları araşdırır.
Andrey Parubiy 2014-cü ildə Ukraynada Ali Radanın spikeri vəzifəsini icra edib. O, ölkənin siyasi həyatında önəmli fiqurlardan biri olub, müxtəlif dövrlərdə həm hakimiyyət, həm də müxalifət düşərgəsində fəallığı ilə seçilib.
Andrey Parubiyni maydanın aktiv iştirakçısı olub. O Petro Poroşenko kadrı kimi tanınır.
O maydan hadisələri zamanı komendant olub. Qərbyönümlü siyasətçi Poroşenkonun Avropa Həmrəyliyi partiyasının üzvü idi.
Hüquq-mühafizə orqanları hadisənin siyasi motivli sui-qəsd olub-olmadığını araşdırır. Silahlı hücumla bağlı rəsmi açıqlama yaxın saatlarda gözlənilir.
Musavat.com
XƏBƏR LENTİ
31 Avqust 2025
30 Avqust 2025
ŞƏRHLƏRŞƏRH YAZ