Onlayn ictimai-siyasi qəzet
Türkiyədən təxliyə olunan azərbaycanlıların yerləşdirilməsi ilə bağlı –AÇIQLAMA
“Təxliyə olunan azərbaycanlıların harada yerləşdirilməsi ilə bağlı hazırda dəqiq məlumat yoxdur. Bununla bağlı müvafiq dəqiqləşdirmələr aparılır”.
Bunu Xarici İşlər Nazirliyinin Mətbuat xidməti idarəsinin rəisi Ayxan Hacızadə Musavat.com-a açıqlamasına deyib. O qeyd edib ki, siyahılara əlavələr olunur: “Azərbaycanın Türkiyədəki səfirliyinin və Fövqəladə Hallar Nazirliyinin əməkdaşlarının birgə çalışması ilə vətəndaşlarımızla bağlı məlumatlar dəqiqləşdirilir. Hər dəqiqə yenilənmə olduğu üçün dəqiq statistika bəlli deyil. Axtarış-xilasetmə əməliyyatları da davam edir. Eyni zamanda təxliyə tədbirləri həyata keçirilir”.
Kilis vilayətində axtarış-xilasetmə işləri başa çatıb. Bəs həmin ərazidə azərbaycanlılar varmı?
A.Hacızadə bu barədə dəqiq məlumatın olmadığını bildirdi.
Qeyd edək ki, Türkiyənin zəlzələ baş verən ərazilərindən azərbaycanlıları daşıyan 4 avtobus artıq Gürcüstan sərhədini keçib.
Nigar HƏSƏNLİ,
Musavat.com
XƏBƏR LENTİ
01 Oktyabr 2024
30 Sentyabr 2024
ŞƏRHLƏRŞƏRH YAZ