Türkiyədə Egey dənizində 4.3 bal gücündə zəlzələ qeydə alınıb

Musavat.com xəbər verir ki, Türkiyənin Muğla vilayətinin Datça rayonunda, Egey dənizində 4.3 bal gücündə yeraltı təkanlar baş verib.

Türkiyə Fövqəladə Halların İdarə Edilməsi Agentliyi (AFAD) zəlzələnin dəniz dibində, təxminən 57 kilometr dərinlikdə meydana gəldiyini açıqlayıb.

Hazırda zəlzələ nəticəsində dağıntı və tələfat barədə məlumat yoxdur. Yerli əhali hadisədən xəbərdar edilib və ehtiyat tədbirləri görülür. Mütəxəssislər yaxın saatlarda bölgədə daha kiçik təkanların ola biləcəyini bildirirlər. 

 

Musavat.com