Onlayn ictimai-siyasi qəzet
Türkiyə energetikləri Suriyada: İnfrastruktur qiymətləndirilib
Türkiyə Energetika Nazirliyinin nümayəndələri Suriyanın elektrik infrastrukturunu qiymətləndiriblər.
Musavat.com xəbər verir ki, bu məlumatı Türkiyənin enerji və təbii sərvətlər naziri Alparslan Bayraktar açıqlayıb.
Onun sözlərinə görə, Suriyanın elektrik infrastrukturunun bərpası üçün sərmayə lazımdır və beynəlxalq ictimaiyyət bu işdə yardım göstərməlidir: “Keçən həftə Suriyaya gedən nazirliyin nümayəndə heyəti artıq geri qayıdıb, ekspertlər belə qənaətə gəliblər ki, ölkənin enerji infrastrukturu o qədər də yaxşı deyil və onun bərpası üçün beynəlxalq ictimaiyyət Suriyaya kömək etməlidir”.
Anadolu agentliyinə danışan nazir deyib ki, Türkiyədən Suriyaya, xüsusilə Hələb və Afrin şəhərlərinə elektrik enerjisinin nəqlinə başlanıb: “Biz bu tədarükləri cənuba daha da genişləndirə bilərik, bundan əlavə, dizel generatorları üçün yanacaq təmin edə bilərik”.
Bundan əvvəl Türkiyənin Energetika Nazirliyinin rəhbəri Suriyanın yeni hakimiyyət orqanları ilə birlikdə onun elektrik enerjisi sənayesinin inkişafı üzrə baş plan hazırlamaq planlarını açıqlamışdı.
Bayraktar Suriyada sabitliyin təmin edilməsi şərti ilə Qətərdən təbii qazın Suriya və Türkiyə əraziləri vasitəsilə Avropaya nəqlinin mümkünlüyünü də açıqlayıb: “Qətər qazı mövcud boru kəməri infrastrukturundan istifadə edərək, mübadilə müqavilələri əsasında Avropaya tədarük edilə bilər və bunun üçün bizə sabit Suriya və sabit bir bölgə lazımdır”.
Musavat.com
XƏBƏR LENTİ
07 Yanvar 2025
06 Yanvar 2025
ŞƏRHLƏRŞƏRH YAZ