Onlayn ictimai-siyasi qəzet
Tramp Vaşinqtonda ölüm hökmünə “yaşıl işıq” yandırdı - FƏRMAN
Tramp Vaşinqtonda ölüm hökmünün tətbiqinə icazə verib.
Musavat.com xəbər verir ki, ABŞ prezidenti Donald Tramp federal Kolumbiya dairəsi və paytaxt Vaşinqton ərazisində yerləşən həbsxanalarda ölüm hökmünün tətbiqinə icazə verən fərmanı imzalayıb. Sənədin imzalanması mərasimi Ağ Evin saytında yayımlanıb.
Qeyd olunur ki, bu qərar yalnız ştat statusuna malik olmayan və birbaşa ABŞ Konqresinin idarəçiliyində olan ərazilərdə qüvvədə olacaq.
Terrorizmə qarşı sərt addımlar
Tramp eyni zamanda ölkə daxilində terrorizmə qarşı mübarizəni gücləndirən fərman da imzalayıb. Ağ Evin nümayəndəsi Uill Şarfın sözlərinə görə, yeni sənəd terrorçu qrupların maliyyə mənbələrinin aşkarlanması, zorakılığın qarşısının alınması və təhlükəsizliyin gücləndirilməsi üçün müxtəlif nazirliklərin iştirakı ilə birgə əməliyyat qruplarının yaradılmasını nəzərdə tutur.
ABŞ-da ölüm hökmü ilə bağlı statistika
“Death Penalty Information Center”in məlumatına əsasən, 1973-cü ildən bəri ABŞ-da ölüm hökmünə məhkum edilən 200 nəfər bəraət alıb, onların 108-i qaradərili olub.
Reaksiyalar
ABŞ baş prokuroru Pəm Bendi yeni qərarı alqışlayaraq ölüm hökmünün bütün ölkə üzrə tətbiqinə icazə verilməsini istədiyini bildirib.
Xatırladaq ki, prezident Tramp 12 sentyabrda konservativ siyasətçi Çarli Kirkin qətlində təqsirləndirilən şəxsin ölüm hökmünə məhkum edilməsini tələb etmişdi. Həmçinin o, avqust ayında Vaşinqtonda qətl törədənlərə qarşı ölüm hökmünün tətbiq olunacağı barədə niyyətini açıqlamışdı.
Musavat.com
XƏBƏR LENTİ
26 Sentyabr 2025
25 Sentyabr 2025
ŞƏRHLƏRŞƏRH YAZ