Onlayn ictimai-siyasi qəzet
Tramp Rusiya ilə gizli danışıqlara bu tarixdən başlayıbmış: Putinlə görüş hazırlanır!
Musavat.com xəbər verir ki, tanınmış ukraynalı jurnalist Dmitri Qordon teleaparıcı Vasili Qolovanovla söhbəti zamanı sensasion açıqlamalar edib. O bildirib ki, ABŞ-ın yeni seçilmiş prezidenti Donald Tramp hələ prezidentlik səlahiyyətlərini rəsmi olaraq qəbul etmədən Rusiya ilə danışıqlara başlayıb və Putinlə görüş hazırlığı gedir.
Qordonun sözlərinə görə, Trampın administrasiyası Rusiya ilə müzakirələrə onun seçkilərdə qələbəsindən dərhal sonra start verib: “Danışıqlar Trampın qələbəsindən bəri aparılır və biz Tramp ilə Putin görüşünə doğru gedirik.”
Qordon bildirib ki, bu görüşdən əvvəl danışıqlar qrupları görüşün detallarını hazırlayacaq. “Liderlər belə sadəcə görüşməzlər. Görüşlər yalnız artıq razılaşdırılmış və ya korreksiyaya ehtiyacı olan məsələlərin həlli üçün baş tutur,” — o qeyd edib.
Trampın bu addımı ilə bağlı tənqidlərə də toxunan Qordon qeyd edir ki, yenicə seçilmiş prezidentin andiçmədən əvvəl digər ölkələrlə rəsmi danışıqlar aparması qanunla qadağandır. Lakin qeyri-rəsmi görüşlər və hazırlıq müzakirələri qadağan edilmir. “Tramp Viktor Orbanla da görüşüb, indi isə İtaliyanın baş naziri Meloni ilə görüş keçirir. Görünən odur ki, o, ciddi şəkildə əlaqələrini qurmağa davam edir.”
Musavat.com, Dmitri Qordonun həmkarı Vasili Qolovanovla söhbətindən həmin sensasion videonu oxucularına təqdim edir. Putin-Tramp görüşünün nə ilə nəticələnəcəyi isə bütün dünyada böyük maraq doğurur.
@@TVmusavat/105469@@
Musavat.com
ƏLAQƏLİ XƏBƏRLƏR
XƏBƏR LENTİ
08 Yanvar 2025
ŞƏRHLƏRŞƏRH YAZ