Onlayn ictimai-siyasi qəzet
Tramp İstanbula gedir: “Hər iki lider orada olacaqsa, mən də gedə bilərəm”
Musavat.com xəbər verir ki, ABŞ prezidenti Donald Tramp İstanbulda keçiriləcəyi gözlənilən Rusiya-Ukrayna danışıqlarına qatılmaq niyyətində olduğunu bəyan edib. O, mayın 16-na (cümə axşamına) nəzərdə tutulan görüşlə bağlı maraqlı açıqlamalar verib.
Tramp bildirib ki, “İstanbul görüşü çox məhsuldar ola bilər. Mən düşünürəm ki, hər iki lider – Vladimir Putin və Vladimir Zelenski – orada olacaq. Əgər bu belədirsə, mən də ora getməyi düşünürəm”.
ABŞ prezidenti həmçinin 30 günlük atəşkəs razılaşmasına dair ümidlərini də ifadə edib:
“Düşünürəm ki, Rusiya bu təklifi qəbul edəcək. Bu, əsl fürsətdir. Sülh üçün real irəliləyiş əldə etmək mümkündür”, – deyə Tramp vurğulayıb.
Qeyd edək ki, Fransa XİN rəhbəri də Putinə İstanbulda Zelenski ilə görüşməyi təklif etmişdi. Ukrayna tərəfi isə artıq rəsmi olaraq danışıqlara hazır olduğunu və prezident Zelenskinin İstanbula səfərə açıq olduğunu bildirib.
Belə görünür ki, İstanbul, Rusiya-Ukrayna müharibəsində yeni diplomatik mərhələnin mərkəzinə çevrilmək üzrədir.
Əlavə məlumat olduqca Musavat.com xəbər verəcək.
Musavat.com
XƏBƏR LENTİ
13 May 2025
12 May 2025
ŞƏRHLƏRŞƏRH YAZ