Onlayn ictimai-siyasi qəzet
Tramp dostlarını başına yığıb: Seçkiləri villadan izləyir
ABŞ prezidentliyinə namizəd Donald Tramp Floridadakı Mar-a-Laqo malikanəsində ailəsi və dostları ilə prezident seçkilərini izləyəcək.
Bu barədə CNN mənbələrə istinadən yazır.
Kanalın həmsöhbətlərinin dediyinə görə, Trampın tərəfdarları xüsusi ziyafətə dəvət olunublar və həmin gecədə respublikaçı böyük ehtimalla axşam boyu qonaqlarla ünsiyyətdə olacaq.
Qeyd edək ki, noyabrın 5-də ABŞ-da 60-cı prezident seçkiləri başlayıb. Hazırkı vitse-prezident Kamala Harris bu vəzifəyə Demokratlar Partiyasından namizədliyini irəli sürüb.
Ağ Evin keçmiş prezidenti Donald Tramp Respublikaçılar Partiyasının namizədi olub. Co Bayden prezidentlik yarışından imtina etdikdən sonra 78 yaşlı Tramp dövlət başçılığına ən yaşlı namizəd oldu.
Sky News- un jurnalisti Devid Blevins deyir ki, Amerika ilk qadın prezidenti ilə “cinayətkar prezident” arasında seçim qarşısında qaldığından və səsvermənin nəticələri kütləvi iğtişaşlara səbəb ola bilər.
Şahanə Rəhimli
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ