Onlayn ictimai-siyasi qəzet
Tramp “Amerikanın səsi” və “Azadlıq radiosu”nu bağladı
ABŞ prezidenti Donald Tramp "Amerikanın Səsi"nin ana təşkilatı da daxil olmaqla yeddi federal agentliyin bağlanması barədə fərman imzalayıb.
Musavat.com xarici agentliklərə istinadən xəbər verir ki, bağlanacaq qurumlar arasında ABŞ Qlobal Media Agentliyi də var. Bu agentlik "Amerikanın Səsi"ndən əlavə, "Azadlıq Radiosu" (Radio Free Europe/Radio Liberty) və "Radio Free Asia" kimi media təşkilatlarını maliyyələşdirir. Təxminən 270 milyon dollar büdcəyə və 2 mindən çox əməkdaşa sahib olan qurum 49 dildə yayımlanır və həftəlik auditoriyası 361 milyondan çox insanı əhatə edir.
Ləğv ediləcək digər agentliklər bunlardır:
Federal Barışdırma və Uzlaşdırma Xidməti – tətil və əmək mübahisələrinin qarşısının alınması və həll edilməsi ilə məşğul olur.
Vudro Vilson adına Beynəlxalq Alimlər Mərkəzi – bitərəf analitik mərkəz kimi fəaliyyət göstərir.
Muzey və Kitabxana Xidməti İnstitutu – muzeylərə, kitabxanalara və arxivlərə maliyyə və texniki dəstək göstərir.
ABŞ-ın Evsizlik Problemləri üzrə İdarələrarası Şurası – evsizliyin qarşısını almaq və onu aradan qaldırmaqla məşğul olur.
İcma İnkişaf Maliyyə İnstitutları Fondu – maliyyə çətinliyi yaşayan icmalara dəstək verir.
Azlıqların Biznes İnkişafı Agentliyi – azlıqlara məxsus bizneslərin inkişafına kömək edir.
Musavat.com
XƏBƏR LENTİ
15 Mart 2025
ŞƏRHLƏRŞƏRH YAZ