Onlayn ictimai-siyasi qəzet
TikTok yarım milyard avro cərimələnir
İrlandiya Məlumatların Mühafizəsi Komissiyası Çinin ByteDance şirkətinə məxsus TikTok platformasını avropalı istifadəçi məlumatlarını Çinə ötürdüyünə görə 500 milyon avro cərimə edir.
Musavat.com xəbər verir ki, məlumatı Bloomberg agentliyi yayıb.
Bildirilir ki, cərimənin tətbiqi ilə bağlı yekun qərar aprelin sonuna qədər veriləcək. Mümkün sanksiyalara səbəb platformanın Aİ-nin şəxsi məlumatların qorunmasına dair qaydalarını pozması ilə bağlı araşdırma olub.
Qeyd olunur ki, cərimə İrlandiya tənzimləyicisi tərəfindən indiyə qədər çıxarılan üçüncü ən böyük cərimə ola bilər. Bundan əvvəl Meta korporasiyası 1,2 milyard avro, texnologiya nəhəngi Amazon isə 746 milyon avro cərimələnib. TikTok özü daha əvvəl yetkinlik yaşına çatmayanların şəxsi məlumatlarının işlənməsi ilə bağlı iddia edilən pozuntulara görə tənzimləyicidən 345 milyon avro cərimə alıb.
İrlandiya Məlumatların Qorunması Komissiyası Aİ məxfilik qaydalarını pozduqlarına görə mütəmadi olaraq əsas rəqəmsal xidmətləri cərimələyir. Komissiya Apple, Google, TikTok və digər rəqəmsal nəhəngləri tənzimləyir, çünki onların Avropadakı mənzil-qərargahı İrlandiyadadır. Tənzimləyici hazırda tanınmış rəqəmsal şirkətlərlə bağlı onlarla araşdırma aparır.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ