Onlayn ictimai-siyasi qəzet
Tibb bacısını işdən çıxardan direktor cərimələndi-Məhkəmə qərarı ləğv etdi
Qobustan Rayon Mərkəzi Xəstəxanasının direktoru 1500 manat cərimə olunub. Buna səbəb isə tibb bacsısının haqsız yerə işdən azad edilməsi olub.
Musavat.com xəbər verir ki, direktor Günay Muradova İnzibati Xətalar Məcəlləsinin 192.6-cı (İşçinin əmək müqaviləsinə əmək qanunvericiliyinin tələbləri pozularaq xitam verilməsinə görə) maddəsi ilə 1500 manat cərimə edilib.
Əldə etdiyimiz məlumata görə, xəstəxananın əməkdaşı Elnarə Şıxıyeva Əmək Məcəlləsinin 70-ci maddəsinin “ç” bəndinə əsasən vəzifədən azad edilb. Elnarə Şıxıyeva bundan müvafiq qurumlara şikayət verib.
Araşdırma zamanı Əmək və Əhalinin Sosial Müdafiəsi Nazirliyi qərar qəbul edib ki, Elnarə Şıxıyevanın işdən çıxarılması zaman əmək qanunvericiliyinin tələbləri pozulub.
O da məlum olub ki, Elnarə Şıxıyeva barəsində Əmək Məcəlləsinin 70-ci maddəsinin “ç” bəndinə əsasən vəzifədən azad edilməsi barədə qərar qəbul edilib, lakin sonradan bu qərar icra edilməyib. Elnarə Şıxıyevaya tibb məntəqələrindən birində kiçik tibb bacısı işləməsi təklif olunub. E.Şıxıyeva bununla razılaşmadığı üçün işdən azad edilib.
Günay Muradova cərimə edilməsindən narazı qalaraq məhkəməyə müraciət edib.
Məhkəmə Günay Muradovanın şikayətini təmin edib. Qobustan Rayon Məhkəməsi işə yenidən baxılması ilə bağlı qərar çıxarıb. İşin yenidən araşdırılması Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Dağlıq Şirvan Regional Şöbəsin həvalə olunub.
İ.Muradov
Musavat.com
XƏBƏR LENTİ
22 Fevral 2025
ŞƏRHLƏRŞƏRH YAZ