Onlayn ictimai-siyasi qəzet
"Terrorçuluğa qarşı mübarizə çərçivəsində 6 nəfər saxlanılıb".
Musavat.com xəbər verir ki, bu barədə DSX-nin rəis müavini general-leytenant Abbas Xəlilov deyib:
"Qanunsuz miqrasiya, qaçaqmalçılıq, o cümlədən narkotik qaçaqmalçılığı ilə məşğul olan 14 mütəşəkkil cinayətkar dəstə zərərsizləşdirilib. İşğaldan azad edilmiş ərazilərdə dövlət sərhədinin mühafizə və müdafiəsinin təşkili məqsədilə 19 yeni hərbi hissə kompleksi, 110 sərhəd-döyüş məntəqəsi, İranla dövlət sərhədində işğaldan azad olunmuş ərazilərdə 14 sərhəd zastavasının fəaliyyəti bərpa olunub".
Bildirilib ki, "Eyvazlı" və "Qazançı" dövlət sərhədindən buraxılış məntəqələri inşa edilib: "Həmçinin, Füzuli Beynəlxalq Hava Limanında sərhəd nəzarətinin işi təşkil olunub. Eyni zamanda 1452 hektar ərazi mina və partlamamış sursatlardan təmizlənib, nəticədə 1530 ədəd piyada əleyhinə, 1762 ədəd tank əleyhinə mina və 245 ədəd partlamamış hərbi sursat aşkarlanaraq zərərsizləşdirilib. İşğaldan azad edilmiş ərazilərdə 104 km məsafədə yeni yollar çəkilib, 223,7 km məsafədə yolların əsaslı və cari təmiri həyata keçirilib".
Nigar HƏSƏNLİ,
Musavat.com
14 Oktyabr 2024
ŞƏRHLƏRŞƏRH YAZ